التاجر الاماراتى
01-02-2010, 12:51 AM
بسم الله الرحمن الرحيم
السلام عليكم اخواني
بصراحه حبيت انبهكم اخواني لبعض الملاحظات الغريبه او الطرق الخبيثه اللي يستخدمونها بعض الناس لغرض الحصول على اكبر نسبة ربح متناسيين ان رب العالمين يشوف كل شي وهو يمهل ولكن ما يهمل
قبل سنه ونص تقريبا عرضت سيارتي للبيع في احد معارض شارع المطار وما لقيت السعر اللي انا طالب فيه
وصدفة كان بالمعرض نفس موتري بالظبط نفس اللون من داخل ومن الخارج ومواصفات الموتر احسن من موتري بشيئين , الشي الاول ان فيه ستاير والثاني ان فيه تلفون.
وقال لي راعي المعرض تراك طالب في الموتر مبلغ كبير وهوقام يحلف (( والله العظيم ما يسوى هالقيمه )) و(( والله انا شاري هالموتر ب اربعين الف درهم ومواصفاته احسن من موترك وممشاه اقل من موترك )
ويا جماعه طلع لي ورقة الشراء وراعي المعرض صادق فعلا بالورقه السعر اربعين الف وانا كنت طالب بموتري 60 الف وقلت له مستحيل ابيعه بهالقيمه
طلعت الموتر من هالمعرض ومت ابغي هالقيمه ما حصلتها , المهم الموتر ياب لي 56 بس وما طعت ابيع عطيته اخوي لووووووووووول ولا اتحسر
وسبحااان الله يا جماعه سبحان الله كيف الدنيا دواره قبل فتره بسيطه واحد من الشباب قال لي تعال معاي ابا ابيع موتري ياب لي سعر مناسب
هو عنده لكزس 430 مديل 2003 المهم الموتر ياب له بالمعرض 50
قال لي اباك تلحقني بموترك وبرجع معاك قلت له اوكي افا عليك
( الصدمه )
طلع المعرض اللي اشترى موتره هو نفس المعرض اللي انا عارض فيه موتري من سنه ونص والحمد لله راعي المعرض ما عرفني عدل
المهم الريال اتفق ويا راعي المعرض على السعر ومنتهين بس باقي يستلم فلوسه
قال راعي المعرض للريال ابا اكلمك بيني وبينك.
قال له الريال لا ما بيننا اسرار قول شو عندك ؟؟
قال راعي المعرض:
( بكتب لك في ورقة الشراء اني خذت من عندك السياره بأربعين الف ))!!!!!!!
لكن انا بعطيك خمسين الف ,تخيلوا كيف النصب قال الريال كيفك اكتب اللي تبغيه لكن سلمني فلوسي الخمسين الف .
نفس الشخص اللي حلف لي من سنه انه شاري موتر نفس موتري برخيص وطلع لي اوراق رسميه طلع ان هالشخص نصاب يكتب سعر رخيص بالورق عشان ينصب على الناس واللي ذابحني انه مسوي عمره واحد يخاف الله واستغفر الله وينادونه يا حج يا حج
الرجاء منكم الانتباه من اصحاب المعارض عندهم طرق حتى ابليس ما يفكر فيها للخديعه , وحتى لو طلع اوراق او غيره لا تبيعون الا وانتوا مقتنعييين بالسعر
حبيت انوه عشان تستفيدون
والسموحه منكم
__________________
البحث عن مواضيع لنفس العضو (http://www.arabmotors.net/vb/motorscp/search.php?do=process&query=:&searchuser=&utm_source=mawadee3-el3odo&utm_medium=frasha-post-link&utm_campaign=frasha-search-mawadee3-link)
السلام عليكم اخواني
بصراحه حبيت انبهكم اخواني لبعض الملاحظات الغريبه او الطرق الخبيثه اللي يستخدمونها بعض الناس لغرض الحصول على اكبر نسبة ربح متناسيين ان رب العالمين يشوف كل شي وهو يمهل ولكن ما يهمل
قبل سنه ونص تقريبا عرضت سيارتي للبيع في احد معارض شارع المطار وما لقيت السعر اللي انا طالب فيه
وصدفة كان بالمعرض نفس موتري بالظبط نفس اللون من داخل ومن الخارج ومواصفات الموتر احسن من موتري بشيئين , الشي الاول ان فيه ستاير والثاني ان فيه تلفون.
وقال لي راعي المعرض تراك طالب في الموتر مبلغ كبير وهوقام يحلف (( والله العظيم ما يسوى هالقيمه )) و(( والله انا شاري هالموتر ب اربعين الف درهم ومواصفاته احسن من موترك وممشاه اقل من موترك )
ويا جماعه طلع لي ورقة الشراء وراعي المعرض صادق فعلا بالورقه السعر اربعين الف وانا كنت طالب بموتري 60 الف وقلت له مستحيل ابيعه بهالقيمه
طلعت الموتر من هالمعرض ومت ابغي هالقيمه ما حصلتها , المهم الموتر ياب لي 56 بس وما طعت ابيع عطيته اخوي لووووووووووول ولا اتحسر
وسبحااان الله يا جماعه سبحان الله كيف الدنيا دواره قبل فتره بسيطه واحد من الشباب قال لي تعال معاي ابا ابيع موتري ياب لي سعر مناسب
هو عنده لكزس 430 مديل 2003 المهم الموتر ياب له بالمعرض 50
قال لي اباك تلحقني بموترك وبرجع معاك قلت له اوكي افا عليك
( الصدمه )
طلع المعرض اللي اشترى موتره هو نفس المعرض اللي انا عارض فيه موتري من سنه ونص والحمد لله راعي المعرض ما عرفني عدل
المهم الريال اتفق ويا راعي المعرض على السعر ومنتهين بس باقي يستلم فلوسه
قال راعي المعرض للريال ابا اكلمك بيني وبينك.
قال له الريال لا ما بيننا اسرار قول شو عندك ؟؟
قال راعي المعرض:
( بكتب لك في ورقة الشراء اني خذت من عندك السياره بأربعين الف ))!!!!!!!
لكن انا بعطيك خمسين الف ,تخيلوا كيف النصب قال الريال كيفك اكتب اللي تبغيه لكن سلمني فلوسي الخمسين الف .
نفس الشخص اللي حلف لي من سنه انه شاري موتر نفس موتري برخيص وطلع لي اوراق رسميه طلع ان هالشخص نصاب يكتب سعر رخيص بالورق عشان ينصب على الناس واللي ذابحني انه مسوي عمره واحد يخاف الله واستغفر الله وينادونه يا حج يا حج
الرجاء منكم الانتباه من اصحاب المعارض عندهم طرق حتى ابليس ما يفكر فيها للخديعه , وحتى لو طلع اوراق او غيره لا تبيعون الا وانتوا مقتنعييين بالسعر
حبيت انوه عشان تستفيدون
والسموحه منكم
__________________
البحث عن مواضيع لنفس العضو (http://www.arabmotors.net/vb/motorscp/search.php?do=process&query=:&searchuser=&utm_source=mawadee3-el3odo&utm_medium=frasha-post-link&utm_campaign=frasha-search-mawadee3-link)