المساعد الشخصي الرقمي

مشاهدة النسخة كاملة : خاص نيسان ارابيا : قصتي مع الحمراني .. (ويـاقـلـب لا تــحــزن)

نيسان 1
02-17-2011, 04:00 PM
السلام عليكم ورحمة الله وبركاته

كيف حال الشباب ان شاء الله طيبين يارب ...

كنت حاب افضفض شويتين عن الهم اللي قاعد على قلوب ناس وامم

وهو مستر حمراني ،،،

ياشباب قبل فتره طويله حسيت التيمتي ثباتها مو زي زمان ..

الرساوه لك عليهاااا .. ووديتها الشركة وقعدت عندهم اسبوع وطلعت

قالو كل شي تمام فيها بس كان يحتاج لها تربيط وربطناها والان 100٪

رحت جربت السياره مع الفني بس للاسف كانت الدنيا زحمة وماعرفت اختبر

السياره تمام في الطرق ..

المشكلة كانت اني لمن اخد مطب او شي السياره تحذف من الخلف

تحذف يمين وترجع في محلها !!!

المهم رجعت الفني الشركة ومشيت ع البيت ...

ومع الايام اجرب السياره كانت افضل من زمان مع التربيط اللي سووه

بس مازالت الالتيما تتمرقص من الخلف :nothing_to_say:

ورجعت مره ثانية للشركة ودخلت سيارتي باسم (مدير الفرع) لنيسان الحمراني

والمدير اتوسطلنا الله يعطيه العافية .. وقعدت الالتيما عندهم اسبوعين

وطلعت :super_man: والمدير دخل على السستم

وحط رقم الشاصيه لسيارتي وواني فواتير بتغيير بعض القطع

يقولو في شي دائري زي الكور عند المساعدات ان القطعه دي يكون

فيها خلل مصنعي وغيروها على الضمان ..

المهم انهم غيرو شي !!

واستلم السياره وسارت افضل من اول نوعا ما بس مازالت تهز وســط :what:

بعد فتره رجعت دخلت السياره بدون مااكلم المدير لاني احرجته معايا كثيير

وجوووك حقون الصيانة يتفلسفو قالو ان المشكلة من مقاس الكفرات اللي مركبها انا ،،

والمقاس هو / 17-225-55

يعني انها اعرض من حقت الوكاله 215

ومن هنا لهنا مشاااكل معاهم وسو تربيط للسياره !!

وقالو الان مررره تمام وووو

وللاسف مازالت على ماهيا ،،،

الان انتهى الضمان وانا السياره عندي سارت تحذف الايام دي خاصة

بشكل كبيييير ... يعني لو امشي 130 او 140 وادعس على عيون القط

احس السياره تلعب .. والان لمن الف اي لفه الالتيما تمييييل مررره احس اني بامشي على كفرين ،،،

ايش تتوقعو تكون المشكلة ؟

مساعدات ولا اعمده توازن ولا ايش بالضبط ؟

واسف جدا على الازعااااج ومشكورين جميعا على متابعه الموضوع

احلى وارقى تحية ....

اخوكم / عبدالعزيز