قصتي ويا راعي الفتك

[التاجر الاماراتى]

..السلام عليكم ورجمه الله وبركاته..



بقولكم موقف استوالي اليوم:sahem2:
الله يسلمكم من كل شر كنت ادور نيسان في المواقع , و حصلت واحد ككاوي سوبر سفاري 2005 و شفت صور الموتر و عيبني و مواصفاته حلوه بس ناقصنه جلد .. و امركب شاشه بعد و كاتب انه(( استخدام بيت)) وماشي 95 الف و شوي !! عااد انا قلت هني الدنيا هذا المطلوب:rofl:
المهم اتصلت فيه و كلمته بخصوص الموتر و قتله انشاءالله عقب ساعه و شوي بكون عندك.. لاني من دبي و الريال من بوظبي ( الوثبه). وصلت الوثبه طبعا بعد ما ظيعت 1000 مره و داار راسي :sahem2:! اتصلت فيه و قتله انا وصلت ! قالي انت قتلي انك بتوصل عقب 20 دقيقه !!! قتله ياريال انا ماعندي طياره عشان اوصل عقب 20 دقيقه وانا قتلك يباالي ساعه و نص بالكثير !!! قالي انا حاليا مب موجود و اصبر نص ساعه! قلنا ماعليه بنصبر .. مرت نص سااعه و بعد نص سااعه و الاخ ما يرد قلت ماعليه بتريا شوي المهم اتصلت فيه قالي تعال مصفح قتله ياريال انا بالزووور و قوه وصلت الوثبه!! المهم سرت مصفح .. اول شي الموتر عليه اريل ممم قلنا ماعليه و ثاني شي عليه هدرز و رنقاته قياس 16 مب 17 و المكينه امبطله !! قلت سبحان الله استخدام بيت ... ويوم سألته عن الرنقات قال انا شاري الموتر على حالته من فتره .. ويابلي ورقه ان الموتر ناجح في الفحص ومن هالخرابيط ! قتله تقدر تيب الموتر دبي عشان يفحصه القرااج قالي الموتر مايطلع من بوظبي قتله انا ما بدفع ألف ولا ألفين لازم يشخلووون الموتر شخااال المهم ماطااع واسلوبه كاان مب حلو كأني انا المحتاي و بييع .. سويتله وانا راد دبي و قتله خلاص بنفحص الموتر باجر في ادنوك اللي في الرحبه و بعد رفض !!! وقال الموتر عليه لوحات المعرض وانا ماقدر اسير مكان بعيد قتله ماعليه انا بطلب ركفري يشل الموتر و بعد رفض !! الصراحه ندمت اني سرت لين هناك عشان هالموتر