تجربكم في بيع وشراء السيارات من المنتدى

[التاجر الاماراتى]

:sahem1:سلام عليكم ورحمة الله وبركاتة...

الموضوع مبين من عنوانه كل واحد يذكر لنا اذا كان له تجارب في بيع وشراء

السيارات عن طريق المنتدى او اي موقع اخر ..ببداء بنفسي وبذكر لكم اخر موضوع صارلي

لقيت سيارة معروضه للبيع في المنتدى وسعرها نوع ما معقول لوكانت نظيفة نفس كلام صاحبها

المهم ماطول عليكم اتصلت

سلام عليكم

عليكم السلام

انته عارض السيارة الفلانية للبيع ممكن اشوفها ؟؟ وين مكانك

واتفقنا نتلاقى بعد ساعة في المكان الفلاني يت قبل الوقت وقعدت اتريا واتريا اتصلبي وقال اسمحلي بتاخر عقب ساعة بييك قلت له مب مشكلة بكره نتلاقى المكان الفلاني واذا تفاهمنا تاخذ عربون وافحص
السيارة ونتلاقى في المرور الصبح رجعت اتصلبه الساعة 8 قالي انباعت السيارة قلت مب مشكلة يمكن
مب من نصيبي بعد يومين رجع اتصلبي السيارة ما انباعت للسبب خاص من المشتري قلت له اوكي انا
ابا اشوفها وتلاقينا شفت السيارة خارجيا نظيفة كتبنا ورقة مبايعة ودفعت له عربون قبل الفحص 5000
وسلمني السيارة عشان اتاكد منها بنفسي وسألته السيارة شوه فيها مافيها قالي ابدااااااااااااااا نظيفة
مافيها الا الشخطة الي في الدبه ((للعلم شحفه ماتتعدى نص سم )) قلت اوكي متاكد هيه نعم متاكد
مايحتاج لها شي خذت السيارة وتعايزت افحصها طرشت اوراقها للبنك بخصوص التمويل ثاني يوم قلت ليش
العيازة ادري انه السيارة نظيفة بس على اساس اطمن يمكن فيها عطل او شي مب باين وريال مبين
انه صادق واستخدامة الشخصي اتصلت به وقلت له اني رايح افحص طلعت رحت اعجاز قالي مامنها فايدة عقب عشر دقايق من الفحص قلت

له ليش؟؟؟ قالي تعال شوف طلعت السيارة:

مصبوغ منها الاربع بيبان والدبة
مصبوغة المداقر
واحد من المداقر مصلح بالحرارة
الدبة تتبطل بصعوبة حسب كلام الفني انها اكيد مجلوبة
الشبك الجدامي مغير كامل
السيارة من تحت عقب مارفعوها كلها ضربات غير انه الكزوز مضروب من كل مكان
البدي من تحت مرشوش بقار طبقة سميكة حتى الشاصي مش قادرين يفحصونه
وايد اشياء يبالها اعادة برمجة ؟؟؟
الايرباق الخلفي فيه مشكلة
الكيلو متر منزل ..................
اتصلت به بعد الفحص مايرد عليه رد اتصلبي المندوب او السكرتير ماعرف شوه اسمية كان يمدح لي السيارة على قولت المثل "لويمدح عيوز خلها عروس"كان مب مقصر في المدح انها نظيفو مادري شوه

وذهب وقيمتها اكثر بوايد وخبرته كل مره يتعذر بشي يقولي اونه لا المدقار الجدامي بس مصبوغ في الوكالة ويمكن بالغلط انرش على البيبان قلت له كيف؟؟شغل بنغالي مستحيل يسوي جي كيف الوكالة
جان يقول لا اونه لتناسق اللوان كيف يتصدق هالكلام ؟؟شوه غروب شمس ولامنظر بحر
قلت له ياولد الحلال تعال استلم السيارة ورد لي العربون قعد يقول لاوكيف ومادري وليش ويخربط اونه
على الضمان والوكالة يعرفونها ؟؟ شوه استفدت اذا باخذ سيارة مدعومة ومجلوبة والوكالة تعرفها؟؟
استلم السيارة وقالي بنزل لك سعرها قلت له مالي نصيب كيف راعيها مايرد ؟؟ وليش مايقول من الاول؟؟
انا شوه ذنبي اشتري سيارة مدعومة ومجلوبة ؟؟؟ هل بيستفيد اذا ضر غيره ؟؟؟

مع العلم انه كانت لي عدة تجارب ناجحه في البيع والشراء عن طريق المنتدى