اسعاركم اغلي من الوكالة

[التاجر الاماراتى]

السلام عليكم ورحمة الله وبركاتة


يا اخواني اسعاركم في المنتدي اغلي من اسعار الوكالة


انا من شهرين ادور و احوص في المنتدي وغير المنتدي عن سيارة فورويل للعائلة وكل المعروض اسعاره غير طبيعية


قلت اليوم بشوف المستعمل عند الكندي للسيارات والرستماني والمصيبة اسعارهم ارخص وبضمان لمدة سنة عن المنتدي

حصلت عند الرستماني ارماده موديل 2009 وعدادها 69 الف وضمان سنة بسعر 110 درهم او 30 الف كلم وتشيكتين مجانا

وفي المنتدي حصلت ارماده قبل فترة معروض موديل 2009 وعدادها فوق 100 الف ما اذكر بالضبط ونهايتة سعرها فيها 123الف

وحصلت عندهم بعد باثفندار موديل 2009 رقم واحد بدون جلد بس بسعر 90 الف درهم وبينزل بعد السعر

الكندي حصلت افالونش معروض بسعر 110 الف درهم موديل 2009 ابيض ومن الداخل اسود وفي المنتدي حصلت 2 معروضات بسعر اغلي من هذا السعر عدا واحد ماشي 170 الف ومطلوب فيه 95 الف


ليش الاسعار كذا صاير في المنتدي

ياخي اطلب السعر المعقول لحلالك و المصيبة انه يقولك اتصل وفالك طيب ومتى ما اتصلت و عطاك السعر الخرافي وانت بعفوية تقول اخوي سعرك غالي ومرتفع تحصله عصب وتنرفز و ناقص يسبك ويسكر في وجهك التلفون

اسكاليد معروض عند اللبرتي مستعمل موديل 2009 اسود ومن الداخل بيج مطلوب فيه 150 الف درهم ماشي 30 الف كلم وعلية ضمان لغاية 2014 وفي المنتدي موديل 2008 وماشي فوق 100 الف وطالب فيه 140 او 150 الف درهم ليش زين ما تعرف


الله المستعان يا اخواني من الاسعار في المنتدي
*