طالب مشورتكم بخصوص الصيانة في دينا تريد

[التاجر الاماراتى]

.
.

السلام عليكم ورحمةالله وبركاته


رمضان كريم وكل عام وانتم جميعا بخير


موضوعي عن صيانة سيارة اللكسز es350


وديت السيارة عند دينا تريد - قسم اللكسز وطلبت منهم يشيكون عليها


خبروني ان عندهم عقد صيانه يحتوي على خمس تشيكات ب 5000 درهم تقريبا


وبما ان السيارة ماشيه 50،000 يعني بيشكونها كل 10،000 كيلو لغاية ال 90،000كلم

وبيعطوني لمره وحده بس تبديل السفايف ا لأمامية مع الخراطة مجانا خلال العقد .


وافقت واتفقت وياهم وسرت البيت ، واتصل لي واحد وقال ان السيارة بحاجة سفايف


خلفية ، وتبديل فلتر المكيف ، وتبديل الرفرف الخلفي ، وانهم بيزيدون علي 600 درهم


قلت له انا بدفع لكم قيمة قطع الغيار بس،و ما بدفع شغل ايديكم، لأنكم ماخذين مني المبلغ


من قيمة عقد الصيانة ، قال لي المبلغ قيمة التشييك فقط ولا زم تدفع اجرة شغلنا زيادة

ال 600 درهم الزيادة مش عي المشكلة بس كيف بيضربون عني من صوبين لنفس الشيء

وأنا ما اريد اخسر الضمان مع اني اشوف انه ما في منه فايده في اللكسز ال es350


بغيت رايكم اللي عندهم نفس السيارة وين تسوون لها السرفيس والصيانه .


خصوصا ان فلتر الزيت ما يبدلونه في محطات البترول وعند محلات البنشر

اذافي حد أحسن عن شغلهم خبروني جزاكم الله خير خصوصا ان الموتر حق الأهل .


انا في ابو ظبي .

ومشكورين مقدما