حصري دروس مستفاده من الواقع (( حدثت معي اليوم ))

[تويـوتا]

السلام عليكم ورحمة الله وبركاته
اشحالكم عساكم طيبين يا شباب احلى منتدى
اليوم كنت ساير بوظبي اللي تبعد عن العين حوالي 160 كيلو متر
والخط ما تتجاوز فيه السرعه 160 كم
المهم
او اشاره مروريه داخل العاصمه
وقفت فيها
حسيت الموتر بدا يرجف يعني في شي مب طبيعي
عطيتها بنزين وهي عالــ n ردت طبيعيه
قلت الحمد لله
اول ما فتحت الاشاره
اشوف الموتر مات عزمه:SnipeR (33):
ادوس عليه عالاخر والسرعه بالعافيه توصل لــ 60 ؟
قلت لااااا الموضوع فيه ان:SnipeR (34):
قررت على طول اني اروح الصناعيه واشوف شو المشكله
طبعا ما عرف كهربائي قلت يلا بالحظ
ادخل على اول واحد
قالي البلاكات عندك رايحه :tinysmile_cry_t2:
قلت لا يا حبيبي البلاكات انا مغيرنهم بيدي من 3 شهور
حاول مره اخرى
عرفت انه كهربائي نص خمده:SnipeR (76):
اروح لواحد ثاني
قعد يتفحص للموتر ويمين شمال
حك راسه وقالي لازم فحص كمبيوتر !!!!!!! :SnipeR (55):
قلتله نفس خوياك
سلاماااااااااااااات
اتصلت على ولد عمي وشرحت له السالفه
وقلت له دلني على كهربائي ثقه
بالفعل ما قصر دلني على واحد سوري
بس حذرني منه انه جزار يعني مايرحم فالاسعار :SnipeR (66):
قلت دواه عندي
المهم
اول ما وصلت عنده شرحت له اللي صاير فالموتر
فتح البونيت
وفصل اول كويل
النتيجه مثل ما هي
فصل الثاني والثالث
نفس الشي
وصل للرابع اول ما فصله
صار الموتر هااااااااااااااااااااااادي
قالي عندك الكويل الرابع محروق :SnipeR (23):
قلت متاكد انه منه
قالي مليون فالميه :tinysmile_kiss_t2:
وبالفعل يوم طلعه كان متشقق وقدييييييم
رحت لمحل قطع غيار معتمد من الوكاله
وخذيت من عندهم كويل اصلي
بــــ 185 درهم بعد الخصم
وركبته والموتر طرب ورد عزمه افضل من اول
بس حبيت انقل لكم تجربتي
والدرس المستفاد هو
اذا رحت عند كهربائي او ميكانيكي ما علم وين الله حاطه
يمكن يتسبب في خرابات اخرى للسياره وخسارة فلوسك
وهي انه لازم تكون تعرف كهربائي او ميكانيكي تثق فيه علشان تضمن الشغل النظيف
واترككم مع الصور
ودمتم بود
اخوكم RIVAL




http://www.toyota4arab.com/upload/i/00006/mqc5wn3m6rqn.jpg (http://www.toyota4arab.com/upload/mqc5wn3m6rqn)




http://www.toyota4arab.com/upload/i/00006/uezap8vvdnca.jpg (http://www.toyota4arab.com/upload/uezap8vvdnca)




http://www.toyota4arab.com/upload/i/00006/m8jdty4704v1.jpg (http://www.toyota4arab.com/upload/m8jdty4704v1)