المساعد الشخصي الرقمي

مشاهدة النسخة كاملة : -:: تجمّع الرياض ::-

تويـوتا
10-17-2011, 10:28 PM
بسم الله الرحمن الرحيم

السلام عليكم و رحمة الله و بركاته

حي الله كلن بسمه

طبعاً الموضوع بإختصار

جت فكرة اقامة تجمّع بالرياض

و اخترنا موعد عساه يكون الانسب

راح يكون التجمّع يوم الخميس العصر ( يفضّل التواجد قبل صلاة العصر و الصلاة في اقرب مسجد للمكان )

طبعاً مكان التجمّع راح يكون في مواقف اسواق غرناطه مقابل بوابة الخروج من اكسترا ( اعتقد البوابه مقابل فندق ميركوري )

نجتمع و نصور تقريباً ساعه و بعدها نحرّك للبراحه المتواجده في مخرج 16 خلف الدفاع المدني

و صف السوق كالتالي ( الوصف يكون من الجنوب للشمال )

و انت جاي مع الدايري الجنوبي ادخل على الدايري الشرقي .. و ابتل قدّام لين توصل مخرج 9 .. بعد ماتتعدى المخرج تشوف سوق غرناطه على يمينك .. ادخل للخدمه بعدها يمين مع الشارع و ادخل على المواقف و وقف بالمواقف المقابله لإكسترا .. طبعاً الافضل نبتعد عن بوابة اكسترا قدر المستطاع

و بعد التصوير ننطلق الى البراحه للسواليف .. و برضو اللي يحب يصور هناك مافيه مانع

و اللي ماعرف وصف السوق .. يراسلني على الخاص و ياخذ رقمي و يبشر باللي يوصله بسلامه للسوق و للبراحه

ملاحظه : الدعوه مفتوحه للجميع

سواءاً اعضاء من الرياض او من خارج الرياض

و ايضاً اللي يحب يجي من الاقسام الثانيه حياه الله مانقول لا .. نتعرف عليه و ناخذ علومه

اي استفسار انا بالخدمه

اخوكم .. فهد ( و برواية شاعر الصمت .. سمير ذذ )