معلومه تقرير مبسط صيانة 40 الف (2011) كامري قير عادي؟

[تويـوتا]

بسم الله الرحمن الرحيم

حبيت اطرح الموظوع هدا للفايده والله ينفع به ان شاء الله

المهم قدر الله علي ورحت الوكاله قلت له كم صيانه 40 الف
قالي بــ(2400) قبل الخصم قلت له(السلام عليكم)

ورحت لمحل قطع غيار تباع لابو جميل في جده في كيلو 2 وشريت::

علبت زيت فرامل بـ(17ريال)

*يكمل به زيت الفرامل ادا نقص والافظل انك ماتزود زيت الفرامل الى بعد تغيير الاقمشه
لان مقدار النقص في زيت الفرامل في الغالب يعلمك بمقدار استهلاك الاقمشه كل ماصارت الاقمشه منتهيه كل ماقل الزيت ولاكن بعد تغييرها يرجع تقريبا مستوى الزيت للاعلى وادا فيه نقص زود
==================================


كرتون سيفونات زيت بـ(127ريال)

*اوفر واظمن من فلاتر البناشر اللي نصها تجاري او ياباني وارخص

==================================

طقم بواجي اريديوم بـ(214)

*طبعا ماغيرتها لانها تتغير كل 100 الف كيلو


==================================

زيت قير عادي 22لترب(350ريال)

*مثل صطل البويه يكفي تقريبا لـ 5تغييرات وكل تغييره تاخد 4 لتر
طبعا والله ياجماعة الخير السيارة ماشيه اربعين الف وعليها ويوم فك زيت القير والله طلع محروق وريحته تجيب الصداع فنصيحه لاتهمل تغيير الزيت كل اربعين الف ولاتركب غير زيت الوكاله

==================================

زيت دركسون 2.5لتر بـ(87ريال)

*عند النقص تزود زيت الدركسون

==================================


فلتر مكيف بـ(200 ريال)

*الاصل ان فلتر المكيف يتغير كل 20 الف وانا غيرته على 40 الف طلع اسود ومنتهي واصلا انا ملاحظ فيه ريحه تطلع من المكيف من فتره عرفت ان المكشله من الفلتر
وسبق وقرت موظوع لاحد الاخوان يقول انه غيره على 130الف وبعد فتره جاه عطل في ثلاجة المكيف ويقول السبب اهمال تغيير الفلتر والعهده على الراوي

==================================

فلتر هواء مكينه(نسيت بكم)

*من اهم القطع ويتغير كل 40 الف

==================================

تربيط كامل لاسفل السيارة بـ(150 ريال)

*حسيت السيارة تغيرت الفرامل صارت افظل
فظاوه في القير اختفت
القربعه خفت
نص المسامير حصلتها مهمله

==================================

باقي تنظيف

حساس الهواء +حساس الشكمان+تنظيف البخاخات

==================================

الاعطال اللي حصلتها بعد التشييك على السيارة

تهريب في صوفه العمود او العكس الرابط بين القير والمكينه من جهة القير
وان شاء الله اراجع الوكاله لتصليحه على الظمان

طبعا قيمته من الوكاله 185 ريال
قيمة شغل اليد 100 ريال

==================================


(((طبعا كان ودي والله ان التقرير يكون مرفق بالصور وقت العمل +صور الفواتير لاكن للاسف جوالي حاليا ابو كشاف فعدرونا على القصور )))

ملاحظة مهمه :: الله الله ياشباب في المحافظه على الصيانه الدوريه والحدر من قطع الغيار التجاريه حتى لو كان الاصلي غالي لاكن تظمن سلامتك اولا وسلامة سيارتك والله يوفق الجميع