مافي داعي تشترك في كار فاكس .. إدخل وبعلمك الطريقة

[التاجر الاماراتى]

السلام عليكم ورحمة الله
من فترة وأنا أدور على لكزس 430
وكل اللي أحصله في السوق وارد
والمشكلة .. كل مرة أشيك فيها عليهم أكتشف إن السيارة مدعومة
طبعاً التجار عندنا شكلهم ما يشترون إلا من كوبارت
ودايماً يشترون المدعوم ويصلحونه ويبيعونه لك على إنه بحالة الوكالة
والناس تشتري ولا يهمها
بالنسبة لي أنا ما عندي إشتراك في كار فاكس
لكني أطلب من البايع رقم الشاصي
وأفتح جوجل وأكتب رقم الشاصي في مربع البحث
وتطلع الفضايح ... :rofl:
وآخرها كان اليوم
دفعت عربون والبايع يقولي إنه متأكد مليون في المية إن السيارة مافيها صبغ ولا دعمات
وقال إذا تبين إن فيها شي بيرجع لي العربون
يوم رديت البيت
حطيت رقم الشاصي في جوجل ، وعينك ما تشوف إلا النور
تبين إن السيارة Salvage
وبالصور بعد
طبعاً المفروض إني أسترجع العربون بكرة والله يعين