اسعار التشاليح الجنونيه

[تويـوتا]

بصراحه ياجماعة الخير اليوم رحت لتشليح حائر بالرياض وبصراحه هذي ثاني مره اروحلها بحكم اني ماني مقتنع بأسعارهم المبالغ فيها بجنون لكن حدني اروحلها اليوم والسبب قبل كم يوم كنت احبرش بالشماسيه الي فوق راسي اذا صارت الشمس بعينك تنزلها المهم لعبت فيها وانقلعت بيدي حاولت ارقعها بغراء وكذا مانجحت معي رحت لعبدالطيف جميل كبير الحراميه طلبت قطعه بحث بالكمبيوتر قال طالبين من اليابان 50 قطعه وبتجي بعد شهر قلت طيب كم قيمتها قالي بـ 110 ريال قلت ياكافي تراها بلاستك قال هذا اسعارنا رحت لحقين الزينه دورت دورت ماحصلت غير لسيارات ثانيه لكن سيارتي ماحصلت واسعارها بـ 30 ريال حبتين بس للأسف مالقيت لسيارتي قلت ماهنا الا أكبر حراميه بالعالم كله وصدقوني انهم اغلى من اي دوله بالعالم هم تشاليح الرياض المهم رحت هناك واسئل عن سيارتي وحصلت نزلت عند اول واحد ابي القطعه الفلانيه قالي فيه بكم ؟ قالي بـ 150 ريال قلت تستهبل ومن الهواش هذا قالي تبي ولا توكل واتفل بوجهه وروح لغيره وادخل بكم قالي بـ 250 ريال اقسم بالله ياجماعة الخير اني مابالغ وعلى فكره كل الي اقولهم عن قطعه وحده وليست قطعتين ويعطوني الاسعار هذي رحت واسئل الاسعار من 150 حتى 250 ريال تتفاوت قفلت اخلاقي ونا بطلع من التشليح قلت بدخل اخر واحد ان ولا بلاها اخذ من الوكاله دخلت وقلتله قالي تبي اخر كلام لا لف ولا دواران قلت ايه قالي خذها بـ 100 وبصراحه هي جديده غير الي اشوفهن اول يعني بكيستها قلتله شوف باخذها منك بـ 80 ريال تبي فكها لي ماتبي انا كرهت هالتشاليح قالي يالله هات المبلغ بصراحه ياجماعة الخير ابي افهم بس ترا هم مارفعو الاسعار الجنونيه هذي الا فيه دلوخ تشتري معقوله فيه ناس تشتري من التشاليح قبل لا يسئل عن الوكاله نصيحه ياجماعة الخير التشليح امسحه من راسك نهائيا اول شي رح الوكاله وسعر والتجاري وسعر وبالاخير رح التشليح وشف الفرق بالاسعار جنونيه فوق ماتتصور ,,,