حل الصوت في الدركسون كامري2012

[تويـوتا]

السلام عليكم

الصوت اللي في الدركسون للكامري2012
رحت للوكاله فرع خريص (أفهم فرع)

وذكرت لهم المشكلة وقالي المهندس بكل ثقه هذي مشكلة بسيطه وحلها بسيط

يبغاله بس تشحيم من هنا ( واشر لي على الدركسون من ورا ) وقالي تجيب السياره بكره الساعه 8 الصباح وتاخذها العصر جاهزه مجهزه

وطبعا انا ساكن برا الرياض فلم استطيع الرجوع لهم

وطلعت لي مشكله جديده ابشركم ألا وهي ان المودم اللي بالسياره معد يشتغل
يعني معد تطلع لي الشبكه وقالوا لي ندخلها الصيانه ونفحص بعدين نعلمك المشكله وقالوا احتمال كبير فيوووز


وختاما انا لا حظت ان بعض الاعضاء في ردودهم كانهم بزارين مغير يدورون المشاكل مثل بعض الردود اللي في موضوع الاخ فصولي
قاموا ينتفون الرجل ويستهزون به لكن في موضوعي هذا ان دل احد من النفسيات المعفنه هذي راااااح اشرشح به ويلحق هذا الموضوع الموضوع الاول اللي نزلته منذ مبطي
فياليت البزارين يفكونا شرهم وشر تعليقاتهم البايخه مو بس بموضوعي لا بكل ماضيع الشباب

وع فكره انا لاحظت برضه ان في مشرفين بنفس نفسيات اللي تكلمت عنهم فووووق
لكن مشكلة المشرفين انهم يقيمون المواضيع ع هواهم وعقلياتهم ولا يملكون ادنى درجات حرية الرأي فياليت هم كمان يتعدلوووون


وشكرا

اذا كنت ترا ان صرااااحتي تجرحك فتذكر ان صرااااحتك جرحت غيرك...