دهابي للحمراني اليوم

[نيسان 1]

مساء الخير اليوم العصر رحت للحمراني انا وعيلتي حق ارويهم الباترول 2012 ولكن لما رحت الوكاله شفت السيارات نفسها 2011 ماتغيرت رحت للموظف وقلت له مانزل باترول 2012 قال لي لا قلت طيب في هده الوكاله مانزل قال لي لا في السعوديه كامله الحمراني مانزل 2012 ويقول هم يمكن في الخليج بعض الدول انا استغربت قلت له انا شايف باترول 2012 قال لي هده يجيبونه من السوق السوده الاردن سوريا العراق ويبيعونه بس الحمراني مانزل 2012 قلت له طيب متى ينزل قال لي شوف حنى طلبنا 2012 و 2013 قلت له تو الناس على 2013 قال في رمضان او قبل رمضان راح ينزل 2012 وبعد رمضان راح ينزل 2013 الفرق مابينهم شهر انا كلي صرت علامة تعجب قال لي خد لك الي هنا معروضات 2011 عليهم عرض le y 3 ب 275000 قلت لا لا مابي شفت الانتاج الي تبعهم مصنوع في 11 2010 قلت مابي انا مابي اي سياره في هدا المديل تحسبا لبعض الاعطال قال لي لا مافيهم شي ابد لا اعطال ولا عيوب مصنعيه ولا شي قلت لا ياخوك في بعض الاخوان يشتكون الى الان بعض الاشياء قال لي مثل شنهو قلت له السفايف طرمبة البانزيل وكدا شغله قال هده اشياء عاديه انا شفته كدا سحبت روجي انا وعيلتي برى الوكاله قلت استنى 2012 ولا اخد فضيل الوكاله