انتبهوا من التشطيف

[تويـوتا]

السلام عليكم ورحمة الله وبركاته .. :SnipeR (82):


وش اخباررركم ؟ بدخل بالموضوع على طول ...

انا عندي سؤال وقصه ... ببدا بالقصه


مره من المرات كنت امشي بالدائري الشرقي من 120 الى 140 ويجي راعي كامري يمشي تقريبا 170 -- 190 ويشطفني شطفه ... روعني :SnipeR (60):

وانا اللي تقفل اخلاقي ... وادعس الى ما فصلت السيارة 233 تقريبا ... واشوف اخونا بالله ماسك الوسط واجيه من ورا بعد ما طفيت نور سيارتي طبعا واعطيه شطفففه ما بين مرايتي ومرايته الا شعره ويمكن اقل بعد ... وهو خاااااف ولف يمين ورجع يسار ونطلت معه السيارة اخذله شوط ههههههههه ووقف ... انا وقفت ورجعت له تأسفت منه صراحه وهو طلع رجال وقبل أسفي وتأسف وقال انه هو البادي ومن هالكلام ... ومشينا

فـ انتهبوا الله يخليكم من التشطيف يمكن يودي ناس في داهيه !!!

...


سؤالي هو وش الحل مع السرعه ؟! انا بصراحه راعي سرعه ولا ارحم السياره بأقرب فرصه اقدر اجيب الطبلون ما اتردد :SnipeR (6): ودايم مسرع كأني ملحوق :tinysmile_angry2_t:

اذا عندكم حلول تكفون ساعدونا وشكرا ...