للبيع او للمبادله .. استيشن 2009 فول اوبشن ... ومطلوب رنج سبورت

[التاجر الاماراتى]

السلام عليكم ورحمة الله وبركاته

معرووض للبيع او للمبادله كما هو موضح من العنوان .. استيشن 2009 6 سلندر فول اوبشن: قير عادي - فتحه - دفلوك - مكيفين - ثلاجة - الجامات كلهن تماتيك. الاضافات: مركبينلها تخشيب حول فتحات المكيف وقبضات الباب الداخليه هذا اضافه على خشب الوكاله الاصلي ونفس اللون. ماشيه 70 الف وشوي والسياره سيارة بيت واستعمال خفيف وانشالله الصور تحكم... واذا في شي ماذكرته بيبيين في الصور

بسم الله نبدأ

http://uaesm.maktoob.com/up/uploads/f49f09563f.jpg



http://uaesm.maktoob.com/up/uploads/acad3c88bf.jpg



http://uaesm.maktoob.com/up/uploads/664bd881f5.jpg



http://uaesm.maktoob.com/up/uploads/d43248a2f8.jpg



http://uaesm.maktoob.com/up/uploads/4e23cd530d.jpg



http://uaesm.maktoob.com/up/uploads/bdebd217fb.jpg


هذا قرطاس الوكاله بعده على كرسي الدريول


http://uaesm.maktoob.com/up/uploads/0d4df646b9.jpg


وللامانه انا سمت السياره في معارض بوظبي وبني ياس والحمدلله يابت لين ال 124000 للامانه ..

عاد انا ما بطمع وايد لانه في سياره غيرها ابا اشتريها حق اخويه (توه مظهر الليسن) فالمطلوب 128000 (قابل للتفاوض بالمعقول) هذا وكل اللي شاورتهم يقولون سوم في المعارض وزيد 10 على السعر اللي بتييبه واعرضها لكن هالكلام مايمشي معايه انا ابا ابيع ومااريد اخلي المشاركه هاي 6 شهوور وانا بعدني مابعت لانه تعرفون واحد توه ماخذ الليسن ويبا سياره وحاشرني حشره والاستيشن والله من فتره مانستعملها وواقفه والاخ ماخذ ليسن تماتيك ويبا رنج :rofl: هلكني والله والسياره ما اباها اطول وايد لانه مصيرها اتم واقفه في كراج البيت لين الله يريد او المعرض اقربلها ويمكن اعرضها عن طريق المعرض خاصة وقت الشتى الشرايين من السعوديه يزيدون لانها مرغوبه هناك


فياليت يا اخوان اللي جاد بالشراء يكلمني عالخاص او على الرقم 5808333 - 050 وياليت ترسلون رساله في حالة عدم الرد


سعر السياره في المعارض لنفس الموديل والمواصفات يتراوح بين 128000 لين 135000 وبزوور ينزل الف ولا الفين في حالة الدفع كاش واكثرهن ماشيات فوق ال 100 الف وال 150 الف وتفرق النظافة طبعا

اما من ناحية البدل .. اخويه يبا رنج سبورت سوبر او العادي مب مهم مديله لكن مايكون ماشي وايد وتهم النظافة يفضل يكون عليه كت HST واللون ابيض ومن داخل بيج هيليوس وطبعا لكل موديل سعره وبيكون دفع فرقيه كلما كان الموديل احدث انا قلت بعرضها هني يمكن حد يبا استيشن بنفس المواصفات ويبا ببادل فافيد واستفيد في نفس الوقت وخاصة انه سعر السوق للشراء نازل مقارنة بسعر البيع خاصة الرنج ياما لفينا المعارض بالزوور يعطونك من 90 لين 100 الف ويعرضونه ب 135000 واكثر واكثر المعارض يقولك لا اذا بتبادل اوكيه ومايدفع كاش فالواحد بدال مايخسر وايد في سيارته يبادل للي هو يباه والناس تبا اكبر فايدة باقل خساره..


اخيرا وليس اخرا


عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه ) رواه البخاري و مسلم


والسموحه على الاطاله والله والله بالرفع الله لاهانكم

اخوكم الرميثي