عرب موتورز arabmotors موقع السيارات العربي الاول - الحل لمشكلة قساوة المكسيما 2010

السلام عليكم ورحمة الله وبركاته

صبحكم \ مساكم الله بالخير

مثل مانعرف ان المكسيما الجديده صار لها سنه نازله فالسوق ومن يوم مانزلت وهي مسويه

رعب للمنافسين ... لاكن اهل المكسيما الجديده وانا واحد منهم كنا نشتكي من قساوتها

على الحفر والمطبات والشوارع التعبانه \ قالو خل هوا الكفر 35 < مانفع \ قالو بنركب تواير

سمكها اكبر < بعد مانفع \ آخر شي قالو ان المشكله من الجمبينات مخلينها قاسيه لأن

الموتر خفيف ! \ التعليق رياضي والقساوه طبيعيه !! < اسمحوا لي هالكلام كله غلط

عموما بعد سنه من هالكلام كله اقولكم ياجماعه البلا كله من تواير البرجستون !

والحمد لله لقيت الحل لمشكله قساوة المكس بتبديل تواير الشركه بتواير ميشلان Pilot Sport 3

اتوقع اني اول واحد مجربهم عالمكس .

ولاحظت ان الموتر صار مريح \ هادي على الشارع \ واحسه اثبت من قبل

طبعا هالكلام اقوله لكم من بعد ماركبت التواير وسافرت فيها مرتين من قطر رحت ( الحسا ,

الخبر , الرياض ).

للعلم اني مسافر بالتواير القديمه مرتين للإمارات

يعني كلهم 4 سفرات وجفت الفرق الشاسع

عموما مب مطول كلام شوفو مقارنه بين الإطارين واحكموا بنفسكم

Michelin Pilot Sport 3 PS3

http://www.tyrereviews.co.uk/Tyre/Michelin/Pilot-Sport-3-PS3.htm

Bridgestone Potenza RE050A Run Flat

http://www.tyrereviews.co.uk/Tyre/Bridgestone/Potenza-RE050A-Run-Flat.htm

سعر الإطار الواحد 1400 ريال مع التركيب والميزانيه

البرجستن 10100 < تقريبا

للعلم المكسيما عندي من 2009 شهر 11 < اول دفعه وصلت قطر

عليها فلتر K&N وداون بايب Racingline

اتمنى اجوف تفاعل فالموضوع , اظن كلنا جايين نفيد ونستفيد ؟

اخوكم بوعوف