السلام عليكم ورحمة الله وبركاته

كيف حال الزقرت ان شاء الله تمام

المهم

مسكت معي اليوم فرفره بالتشاليح &lt*****< العن اووم المسكه يا شيخ :SnipeR (1):

وتطيع عيني على طبلون كامري استخدام 2005 ليزر

المهم وأنشب لراعي التشليح لين اخذته بسعر حلو

وأركبه ولكن طلعت مشكله ان عداد البنزين مو راضي يشتغل

وأنقز لكهربائي قد ركبت عنده عداد لكزس على كامري 2002

وأوريه العداد طالع يمين يسار وقال ما يركب

قلتله ياهو غير بدل قال هذا حق كامري 2005 وننظام الآي سي يختلف

عن نظام 2003 قلتله طيب شوفه قدامك شغال بس يبيله تعديلات

قال لا ما ينفع نظامه مقفل ولا يقبل تعديل

لأنه طبلون كامري اوتو وفي ثلاث نمر غير الدي

وحق 2003 - 2004 في نمرتين دبل فقط

وبصراحه ما إقتنعت بكلامه وما ودي أرجع الطبلون

لأن شكله بصراح خققققق لأبعد حد

ويشبه طبلون الاوريون القراندي في طريقة التشغيل

لكن الشكله اللي واجهتني في الطبلون ذا انه في بعض اللمبات مو راضية تطفي

مثل لمبه البريك + لمبة الإيرباق + لمبة البنزين + عداد البنزين مو راضي يشتغل

فوش رايكم هل ممكن انه ما يركب عليها رغم انه الأفياش كلها راكبه بالملي


صوره للطبلون الحالي الخايس وانتم بكرامه




http://www.toyota4arab.com/upload/i/...2ejpmrav9b.jpg




صوره للطبلون الجديد الليزر



http://www.toyota4arab.com/upload/i/...fxhi9jnchc.jpg


صوره للطبلونين معاً


http://www.toyota4arab.com/upload/i/...canatsrffz.jpg


كم صوره للطبلون وهو راكب على سيارتي


http://www.toyota4arab.com/upload/i/...7xkhpf62px.jpg




http://www.toyota4arab.com/upload/i/...qlsqxow1z3.jpg

صوره للطبلون بعد تشغيل السياره وباينه فيه اللمبات التي أبت ان تنطفئ هع هع

http://www.toyota4arab.com/upload/i/...aw2hwm60rw.jpg


http://www.toyota4arab.com/upload/i/...q6qmtzsuiq.jpg




الحين وش تشورون علي يا شباب ارجع الطبلون

للتشليح والا أدور على كهربائي فاهم ويضبطها لي؟؟؟؟؟؟؟


والله يا شباب متوهق لأن ضمان الطبلون يومين لو ما رجعته بأورط فيه