متكي على الموتر ليلة خميس و يا ليت ما صار اللي صار...ادخل لاهنت^_^
السلام عليكم صباح/مسا الخيرات للجميع ::المهم:: يوم رجع أبو متعب قبل تقريبا 3 أسابيع ...غبرت السيارة و اجرمنا فيها و طلعت الأدب حللنا أم التغبيرة ذيك الليله في الخبر بعدها بدأت المعاناه بطبيعة الحال لازم وش اسوي بعد التغبيرة "أغسل السيارة...مو؟؟" غسلناها و تفاجأت بأنو لازالت فيه مناطق باقي فيها أثر التغبيرة... قلنا "إييييييييييه و الله النشبة" رحت لمحل زينه جمب المغسلة قال "يالله حسبي عليه" خذلك بولش"تلميع خشن" و لمع عند المناطق الباقي فيها الأثر قلنا أوكيه "يا لبا كلك ...انحلت مشكلتي" رحت ليلة خميس و قاعد افرك بهالسيارة المسيكينه...لا و فوق البيعة "لمعتها كلها من و إلى بتلميع خشن ...و قلت خل المادة عليها شوي لين ما تمتصها..."الغشامه و ما تفعل بالواحد" و شطفتها بشامبو السيارات و غسلتها و لاحظت أنو الأخضر راح..."حسيت اني بطل" دخلت عند الاهل و انا مبسوط و رحت نمت ...و من بكره و انا رايح لصلاة الجمعة... إلا و الله البدي ما هو البدي اللي أخبره ....صح أن التغبيرة راحت بس تحس انو فيه مخوش دائرية على كل السيارة "لاحظتها يوم كانت زاوية النظر و البدي و الشمس متقاربة نوعا ما" و هذا اللي صار معاي... يا فرحة ما تمت وخرنا التغبيرة و جا بدالها المخوش الدائرية... ::الحل؟؟:: *هل محلات التلميع الكبيرة"car care " و من ذي الطقة تفيدني في معضلتي؟؟ إذا نعم/وش أفض المحلات للتلميع الخارجي و بسعر مناسب لطالب جامعة منتف؟؟ ::أرجوا المساعده لمن لديه تجربة سابقة مع إحدى شركات التلميع ...و مع ذكر الأسعار و رقم التواصل:: نأسف للإطاله و بانتظار الجواب منكم يا أخوان تحياتي |
الساعة الآن 08:51 PM |
Powered by vBulletin® Copyright ©2000 - 2024, Jelsoft Enterprises Ltd. By
Mohamed Mohtrf
عرب موتورز3.6.0 ©2011, Crawlability, Inc