انا محتاه جدا بين السيريون وان مانيوال والبيكانتو الأوتوماتيك وان كنت بعد زيارة الوكلاء النهارده اقرب لشراء السيريون
المفاجأه ان بيكانتو 2010 الأوتوماتيك مش موجوده اصلا وهي بالحجز ومن قبل ميعاد معرض فورميولا الأهرام وانا بسأل عليها بيقولوا حتنزل بعد شهر وما بتنزلش ولا حاجه وآخر حاجه النهارده الوكيل في المعادي قاللي احجزي ب5000 جنيه واستلمي بعد شهر وقال ان فيها شوية حاجات متغيره في الفوانيس الأماميه لكن بنفس السعر القديم 70000 جنيه اوتوماتيك فول اوبشن (تكييف وباور و2 زجاج كهرباء امامي فقط) وانا طبعا ماشفتش التغيير ده وحتفرس اني اشتري من غير ما اشوف ايه التغيير ده غير ان انا مش عارفه هل الإستلام حيكون بعد شهر بجد ولا لأ
الإختيار التاني اللي كان في نفس الميزانيه بس مانيوال هو السيريون وان لكن الموجوده دلوقتي 1000 سي سي ب 75000 جنيه مانيوال فول اوبشن ( 2 اير باجز وتكييف وباور و4 زجاج كهرباء) موديل 2009 فقط ومش حتنزل موديل 2010 اصلاً علشان كده بقت اغلى 2000 جنيه بس عليها شاشه lcd 32 بوصه هديه
وموديل 2010 موجود في ال 1300 سي سي فئه واحده اوتوماتيك فول اوبشن ب 85000 جنيه
يا تري تنصحوني اشتري ايه هل البيكانتو الأوتوماتيك افضل ولا السيريون وان
ومتشكره جدا واسفه للإطاله