شوية أسئلة عن الأكورد 2011
 

السلام عليكم ورحمة الله و بركاته
هذا أول موضوع لي في منتداكم الرائع
أنا أن شاء الله ناوي أخذ لي أكورد2011 بس عندي شوية أسئلة ويا ريت تفيدوني مشكورين
1- أنا ناوي أخذ ال4 سلندر فل كامل بالكاميرا و النافيقيشون بس النافيقيشون الي في الأكورد يكون جاهز و منزل عليه الخرايط و لا لازم انا أنزلها و أيش الخرايط الي موجودة فيه
2- محتار أخذ لي مخمل و لا جلد مع أنه الجلد شكله فخم أكثر بس يقولون لي أنه يتقطع مع الحرارة مع العلم أني ساكن في جدة يعني ما يحتاج أقولكم عن الحر و الشمس عندنا
3- لون السيارة أنا بصراحة الأسود و الابيض اللؤلؤي مهم عاجبيني و لا الرصاصي و النحاسي و ناوي أخذ اللون العودي بس يا ريت تفيدونا عان الألوان و أفضلها من ناحية الغبار و الخدوش
4- في واحد صاحبي قال لي أنه يوم أخذ السارة من الحراج يكون سعرها نازل عن سعر الوكالة تقريبا ب 10 الاف ريال هل لو أخذت السيارة من الحراج يكون شاملها الضمان و الصيانة من الوكالة
5- بالنسبة لفترة التمرين صح زي ما يقولون الناس أنه لازم تمشي بالسيارة أول ألف كيلو بدون ما أشغل المكيف و لازم أمشي أقل من 100 كيلو عشان عزم السيارة هل هذا الكلام صحيح
أرجو مشاركتكم و اجابتكم عن الأسئلة و شكرا جزيلا لكم
6- بالنسبة للأسطبات الخلفية الموجودة بجانب الأسطب الرئيسي و الي هي في موديل 2011 وين أقدر أركب لها لمبات بحيث تصير تشتغل مع الأسطب الرئيسي