تبديل فلتر المكيف في بطل الدرووووب في حدود 15 دقيقه
 

السلام عليكم ورحمه الله و بركاته
شحاكم كلن اب حاله
صارلي سنين اتابع مواضيعكم و وجهات نظركم و حبيت اشاركم اب شغله يمكن تكون مفيده حق وايد من الشباب والمهم انها ما راح تكلفك وايد و تروم تسويها وقت ما تبا و باقل مصاريف و هذا الشي المهم

تدروون الغبار و الرمل الموجود فالجو هذا من غير الشباب الي فالبر كل اسبووووووع

الخطوة الاولى تشتورن الفلتر من الوكاله او من قطع الغيار و سعره تقريبا 450 درهم

الخطوه الثانيه تشترون مفك حقق البراغي( اسمه ALIEN STAR) اذا ما كان عندكم نفس الي فالصوره و البراعي بتحصلونه فالسده اول ما تفتحونها و هاي صورة للتوضيح

http://www.nissan-arabia.com/vb/imag...011/05/845.jpg

و هذا شكل الفلتر بعد للتوضيح

http://www.nissan-arabia.com/vb/imag...011/05/846.jpg

http://www.nissan-arabia.com/vb/imag...011/05/847.jpg

الحين البدايه
نفك الدواسه الي عند الباب الي لونها البيج

http://www.nissan-arabia.com/vb/imag...011/05/848.jpg

نبدا من الجهه الخلفيه القريبه من الكرسي مثل الصوره و نبدا فك و البدايه يبالها قليل من القوة مثل الصوره الي تحت http://www.nissan-arabia.com/vb/imag...011/05/849.jpg


بعد ما نشلها نبدا نفك الغطاء الاسود الي عند الرجوووول و نبتدل فك من عند صبعي
مثل الصورة الي تحت

http://www.nissan-arabia.com/vb/imag...011/05/850.jpg

و يعد فكها راح تشوفون ثلاث براغي لازم تفكونها بس مب الحين

http://www.nissan-arabia.com/vb/imag...011/05/851.jpg

و نفس القطعه السودا فيها ليت و لازم ينفك و بسهوله مثل الصوره الي تحت

http://www.nissan-arabia.com/vb/imag...011/05/852.jpg

بعد الانتهاء من الغطاء الاسود و فكه نبدا نفك البراغي الي تحت (السود الثلاث الي تكلمنا عنهم قبل شوي)


نفتح السده او بتشوف ثلاث براغي سود بعد تقكهك مثل الصوره الي تحت

http://www.nissan-arabia.com/vb/imag...011/05/853.jpg


مع ملاحظت البراغي الي فوق اصغر من الي تحت فا ارجو الانتباه و عدم خلط البراغي عند اعادة التركيب و الصوره الي تحت توضح البراغي و يمكن الفرق ما يكون وايد واضح

http://www.nissan-arabia.com/vb/imag...011/05/854.jpg


بعد فك البراغي الست للسده نبدا بسحب السده من تحت و من الزتويه القريبه من الباب (المقصووود باب المعيون (الراكب الامامي)

لاحظ وجووود ليت فالسده ولازم تفك الواير قبل ما تشيل السده من مكانها
والصوره الي تحت توضحلك مكان الواير والليت

http://www.nissan-arabia.com/vb/imag...011/05/855.jpg


و عقب ما تفك السده من مكانها راح تشوف هالمشهد الي فالصوره تحت

http://www.nissan-arabia.com/vb/imag...011/05/856.jpg

الحين نقوم و نفك الغطاء الي يغطي الفلتر عن طريق كبستين على الاطراف
والصوره الي تحت توضح احد الاطراف
http://www.nissan-arabia.com/vb/imag...011/05/857.jpg
هذا لنك الصوره
http://img811.imageshack.us/img811/9729/img01181.jpg


والتركيب ابتدي بالعكس




و بعد التغيييير المكيف مافيه ريحه و دفع الهواء ولا اروع


وهذا عداد المسافه
http://www.nissan-arabia.com/vb/imag...011/05/858.jpg


والسموووحه منكم ادري الموضوع طوييييييل ة ممل بس يمكن حد يستفيييييد منه

و سلامتكم