عرب موتورز arabmotors موقع السيارات العربي الاول - للفائدة.. تم عمل صيانة الألف كيلو للصني في محلات وين ستوب .. + رأيهم عن زيت الcvt

السلام عليكم ورحمة الله وبركاته
كيف حالكم جميع

حبيت أنقل لكم تجربة صيانة الألف كيلو للصني 2011

في بداية الأمر قلت خل أمر وكيلنا الحلو الحمراني مع إني كنت كاره أمره
مريته العصر بفرع خريص

السلام عليكم
وعليكم السلام

عندي صني 2011 بسويلها صيانة الألف
رح للموضف هذااك

السلام عليكم
وعليكم السلام
عندي صني 2011 بسوي لها صيانة الألف كيلو

قال طيب خذ موعد وتعال بكره الصباح (( مدري كيف خذ موعد وتعال بكرة الصبااح !!))
أنا أرتفع ضغطي وقلت طيب ممكن أعرف وش نوع الزيت اللي تحطونه في الصني
قال فكس سوبر جيتي
قلتله طيب 10 w30 ولا 20 w 50
قال مدري رح أسئل هذاك ( رجعني للشخص الأولاني )
قلتله يالطيب 10W30 ولا 20 W50
قال20 W 50

وأنا اللي أقضب الباب أدور النحشه (( جت من الله ))

وأتجه لفرع وين ستوب
رحتلهم على طول العصر بعد ما رحت للحمراني
وسوو الآتي
( غير الزيت والسيفون - ونضف جميع الفلاتر - ونضف الكبوت كامل بالهوى - وزاد موية المساحات - وصفر عداد الكيلو - وحط ستيكر بموعد الصيانة القادمه - وحط علبة مناديل- وختم على دفتر الضمان - وعاير هوى الكفرات وحطه على 33 < يحسبها مكس هههههه )
كل هذا ب 85 ريال فقط والشغل قدام عيونك وفي أقل من نص ساعه والسيارة خالصه

ويالله لك الحمد والشكر على نعمة وين ستوب
وعقبال مايصير وكيلنا

_____________________________

وسئلته أنا ( ملقوف ) عن زيت ال CVT وقلتله تغيرونه قال أيه إذا مشت 80 ألف وعلى مسؤؤليتنا

فأحب أقول للي تعدى ال80 ألف من أصحاب الألتيما من 2008 وفوق
وأصحاب المكس من 2010
أقولهم روخو لمحلات وين ستوب وغير الزيت وأتو متطمنين
ولايهمكم كلام الحمراااني
وأبشركم عنده الزيت الخااص
موهب لازم تشتريه من الوكااالة

(( رجاءا الموضوع موضوع صيانة الصني لاتشطحون وتقلبون الموضوع عن مناقشة زيت ال CVT ))