|
تحذير من محطة العاليات (الحناكية) طريق المدينة -القصيم
ياشباب اللي يبي يسافر اليومين هذي انتبعوا من محطة العاليات في الحناكية على طريق القصيم المدينة المنورة ... عبيت منهم امس بنزين 91 ومن القرادة كان التانكي على الاخر ... وقلتله عبي فل ... وبصراحة عقب مامشيت من عندهم بساعة تغير علي الموتر وصار ضعيف عزمة .. واشتغاله ماهو عاجبني ... المهم وصلت لطوارف القصيم .. واليوم الصباح يوم شغلت السيارة والا ... دخنه من الشكمان كانها فليت البلدية ؟؟؟
المهم وبعد المشاورات مع نفسي وبعد ماشيكت كل شي حتى بالكمبيوتر حق الوكاله الا كل شيء سليم .... وينقز واحد من اخواني قال البنزين ماهو مضبوط ... المهم كان فيه النصف ... ياجماعة الخير يوم فكينا ليات التانكي ... وفرغنا البنزين الا وهو ماء مع ديزل مع بنزين ... حسبي الله عليهم ... مادري خالطينه او عندهم مشكله ... والشكوى ان شاء الله السبت .. ومعانا العينة من التانكي ... ومادام الوقت هذا وقت سفر فحبيت انبه الاعضاء ... تحياتي والله لايوريكم مكروه |
| الساعة الآن 05:33 PM |
Powered by vBulletin® Copyright ©2000 - 2024, Jelsoft Enterprises Ltd. By
Mohamed Mohtrf
عرب موتورز3.6.0 ©2011, Crawlability, Inc