عرب موتورز arabmotors موقع السيارات العربي الاول - اللي مهب قد الظلام و وحشته لا يسهره ..

السلام عليكم ورحمة الله وبركاته ..

كيف حالكم اخواني ..؟؟

حبيت اتكلم عن الجماعة اللي قم ( تدين وتزين )

يا جماعة اللي مهب قد الرنج ولا المرسيدس ولا البورش والبي ام وغيرهم من السيارات الراهية ..

لا ياخذ الموتر ..محد حاط سيف على رقبتك ..

ييك واحد ..والله الرنج مب شي ..كثير اعطال..سامانه غالي ..وما ادري ايش ..

ياخي دام راتبك جيمة سفايف الرنج ..ليش تاخذ رنج ..خذلك اوريون ولا التيما ..

ولا اف جي وريح بالك ..

ليش تصدع الخلق وياك ..

مثلاً واحد ماخذ بي ام ..و وقت التجييك ولا الصيانة يصيح دم ..

ياخي محد قالك خذ موتر منت قده ..

صدق حامد زيد يوم قال : اللي مهب قد الظلام و وحشته لا يسهره ..

وانا اقول ..اللي مهب قد الرنج ومصاريفه ..لا ياخذه

لا وبعد يكتب شعر عن اعطال الرنج ..ويي يقولك عليك يالشراي بالنيسان ..

ليش النيسان يصرف اقل من الرنج ..؟

والله ناس مغترة ..ياخذ رنج ..واول يومين مفلس من البترول ..

خل الرنج لأصحابه ..واستريح :rofl: