عرب موتورز arabmotors موقع السيارات العربي الاول - طلب بسيط من الأخوان الي يبيعون مواتر امريكية

السلام عليكم ورحمة الله وبركاتة

من بعد اذنكم ياشباب بنسبة للاخوان الي يعرضون مواتر امريكيه

في نظام في امريكا اي شي يصير في الموتر يتسجل ان كان حادث ولا صبغ او منو الشاري الأول وعلى منو باعه وإلخ....

المهم لما الاخوان يعرضلك السيارة في المنتدى يقولك الموتر ماعلية كلام ونظيف وبدون حوادث وإلخ.... وكلامكم على العين والراس

لكن ياليت ترفقون التقرير في الموضوع من موقع (https://secure.carfax.com/creditCard.cfx?partner=CFX_S)

تسجل في الموقع وتدفع عن طريق (الفيزا كارد) واحسن فيزا من بنك ابوظبي الوطني وتقدر تختار تبا تقرير واحد، ولا اربع تقارير، الأربع تقارير على 165 درهم تقريبن وماعليك الا تحط رقم الشاصي

مثال:

http://hh7.net/Jul6/hh7.net_13120167461.jpg
http://hh7.net/Jul6/hh7.net_13120169621.jpg
http://hh7.net/Jul6/hh7.net_13120170121.jpg

لان الي صاير الحين في المعارض او غيرة على سبيل المثال الكزس الصالون

تشوفه يلق وصاحب الموتر يتمدح حتى الموتر يدش خاطرك اشل رقم الشاصي ولا اتفاجأ ببلاوي

يطلع الموتر مجلوب ولا مرات مجلوب اكثر عن مرتين ولا ضربه قويه في الشاصي ومصلح عاد الامريكان يوم يصلحون الموتر تقول يصنعونه من اول ويديد

وكثير ناس معروفين الي يتاجرون بمواتر امريكيه لما تطلب منهم سيارة او يعرضون مواترهم يرفقون التقرير من الموقع الي ذكرتة

والسموحهـ منكم

دمتم بود