عرب موتورز arabmotors موقع السيارات العربي الاول - استفسار بخصوص تغيير لمبة النور الواطي ..!!

بسم الله الرحمن الرحيم

السلام عليكم ورحمة الله وبركاته

الشهر عليكم مبارك والله يعينا ويعينكم عالصيام والقيام ويتقبل منا ومنكم ..

مثل ماهو واضح بالعنوان .. أبغى أغير أنوار الواطي وبالوكاله سعر اللمبه الوحده 113 !!!

ما أدري وش يحسون فيه لمبه بهالسعر حسبي الله على كل تاجر جشع ..

سألتهم قالوا ماعندنا نوع غيرها وبرى الوكاله تعرفون النصب اللي يصير تاخذ شيء على أساس أنه أصلي وتتفاجأ بعدين إنه نوع تعبااان .. مثل ماهو واضح بملف التعريف أنا بالرياض ..

بعدين هل فيه نوع يجي أقوى من حق الوكاله يعني يعطي إضاءه أقوى ؟ بشرط مايأثر على الفيش يعني مايحرق علي الفيش ..

الشيء الثاني تصميم الأكورد 2008 فيه غباء بشكل خرافي .. أجل عشان أغير لمبة السكن لازم أفك البطارية !! والفك عند الوكاله بس ب 48 ريال .. الله يعين عليهم والله شيء يرفع الضغط

بإنتضار إفادتكم بخصوص الشمعات