عرب موتورز arabmotors موقع السيارات العربي الاول

السلام عليكم

قبل فتره كنت ادور تقرير عن هالسياره في النت من مستخدمينها
هل هي عمليه اسعار قطعها غاليه ولا رخيصه متوفره ولا لا

للأسف ماحصلت الا اشياء بسيطه و تواريخ المواضيع قديمه

بعد ماامتلكت السياره وجربتها فتره حبيت اكتب تقرير عنها

Lincoln LS 2004

http://upload.wikimedia.org/wikipedi.../bc/06LSV8.jpg

المكينه : V8 3.9 L 32 valve
القير : 5 سرعات مع خاصية التبرونيك
عدد الاحصنه : 280 و التورك :286
نظام الدفع : خلفي
استهلاك البنزين : في المدينه 13/100 KM و في الطرق السريعه 9/100 KM بنزين 91
وزن السياره: 1800 kg
تسارع السياره : 0-100 خلال 6.5 ثانيه

http://files.conceptcarz.com/img/Lin...ore_03_010.jpg

واجهة السياره جميله الاصطبات الاماميه مكحله
النور الواطي زينون و العالي هالوجين وانوار ضباب هالوجين
النور الواطي قوي ويفرش في الخط والنور العالي ممتاز
الشبك في موديل 2004-2005 كان اسود والحواف نيكل اما في 2006 تحسن شكله وصار نيكل والحواف بنفس لون السياره

http://files.conceptcarz.com/img/Lin...burg_03_01.jpg

بصراحه السياره من على جنب احلى مافيها الجنووط شكلها جميل
كروم مقاس 17 واللي يشوفها يعطيها 18 بحكم مقاس الكفر يكون سخيف
والسياره منخفضه شوي وهالشي ماينفع في شوارع مثل شواع الرياض

http://files.conceptcarz.com/img/Lin...burg_03_09.jpg

وكعادة شركة فورد تصميم السياره يكون بالكامل جميل والخلفيه ماتكون قد المستوى
خلفية السياره هي اسوأ مافيها عاديه جدا ماتدل ع الفخامه ولا الرياضيه والشكمانين معطيتها شوية جمال

http://www.carlocksandkeys.com/catalog/691259.jpg

شكل مفتاح السياره ويكون معه ريموت يفتح الابواب ويغلقها ويفتح الشنطه
وتقدر بضغطة زر من الريموت تفتح جميع النوافذ و الفتحه

http://www.alhnuf.com/vb/uploaded/2526/1152279426.jpg

مساحة التخزين الخلفيه حلوه مع امكانية طي المراتب الخلفيه وتكون اوسع