ألتيما 2011 - صار علي حادث
 

السلام عليكم ورحمة الله وبركاته
كيف حالم؟ عساكم بخير ,, ومبارك عليكم الشهر الكريم :)

عندي ألتيما 2011 ما كملت معي 3 شهور , إلا وذاك الأغبر سواق يطلع علي من السيد الثاني ويضربني مع الوجه :(

المهم ,, ابي نصيحتكم ورأيكم .. هل أصلحها لدى ورشة الحمراني اللي على الدائري الشرقي مخرج 18؟

علماً بأني رحت وكالة الحمراني اللي على خريص وسألت عن قطع الغيار لـ

• كبوت (غطاء محرك)
• صدام أمامي
• شبك

راح تكلف 2330 ريال بدون الرش (لون الموتر أسود), طبعاً بيتكفل بكل التصليحات كفيل السواق لإن الخطأ عليه 100% ..

الحمد لله الضربه لم تترك أثرك كبير على الشكل الخارجي بحيث غطاء المحرك (الكبوت) تعفط شوي من الأطراف الأماميه + انشق الصدام الأمامي من فوق اللوحة والشبك تكسر للإسف :( +(أسمع اصوات طقطقه من المروحه لاشغلت المكيف وحتى الآن مطفيه ولا أستخدمه .. أيضاً يظهر لي صوت صدى لاشديت الجلنط)

يا أخوان ابي رأيكم أصلح الموتر بالوكالة ولا أشتري قطع الغيار مع رشها من الوكالة واصلحاها بورشة ثانيه؟

والله ضايقن صدري .. افيدوني بارك الله فيكم ,,