بسم الله الرحمن الرحيم





السلام عليكم ورحمة الله





الله يبارك لنا ولكم في ما تبقى من شهر الخير والبركه





احبابي



الموضوع عباره عن حل لمشكلة اندام زجاج الكشفات اللي تجي في الاسفل



نوع الموجود عندي زجاج واصليه و ما حبيت اركب تجاري بسبب ضعف الاناره



قلت خلني انظفهم و ارجعهم مثل اول بنسبة 95%



الادوات المطلوبه



1- لكر ( موجوده في محل الاصباغ السيارات مقدر ربع واذا يعطيك اقل يكون افضل )

2- مجفف كالر ( كذالك عن محل الاصباغ اقل مقدار ممكن )

3- ورق صنفره عدد 2 من كل درجه والدرجات المطلوبه 80 - 320 - 1000 - 2000 -اذا كانت متوفر اكثر من 2000 تاخذ حبه واحده ( متوفر في محل اصباغ

4- اسفنجه حقت غسيل صحون ( متوفره في المطبخ بس انتبه من ام العيال تشوفك )



الحين خلاص خلصنا من الادوات باقي طريقة الاستخدام



ان شاء الله راح يتم تصويرها من اجل الفائده



الحين شرح كتابي و في اقرب فرصه فديو يكون



اول خطوه تنزل الكاشفات و الطريقه سهله على موديل e38 و على حسب كل فئه في الفك



الخطوه الثانيه ننزل الشمعه عن الكاشف



الخطوه الثالثه نغسل الكشاف في الماء و نحاول يكون نظيف 100% من الخارج والداخل



الخطوه الرابعه نجففه تماااام



الخطوه الخامسه ناخذ و رق صنفره نمره 80 و نمسح على الزجاج بطريقه متعادله

مدة 5 دقايق ( يبي لك جهد وصبر شوي )



الخطوه السادسه نستخدم ورق صنفر نمره 320 و نفس الطريقه الطريقه مدة 5 دقائق



و كذالك مع نمره 1000 و نمره 2000



ولكن نمره 2000 نحاول قدر الامكان نطول فيها عشان هي الاساس



بكذا يكون الزجاج تم ازالة منه طبقه وهي الطبقه المتأثره من الرمل



الخطوه السابعه نمسكه الكشاف ونغسله عن بقايا الصنفره و نجففه



الخطوه الثاامنه نمسح الكساف في قطعة قماش جافه على شان نتاكد ما فيه اي بقايا غبار او صنفره او اي شوااب



الخطوه التاسعه وهي الاهم



طريقة خلط ال لكلر مع المجفف



خذ قاعده كميه المجفف تكون ضعف كمية ال لكر و اكثر بشوي



ناخذ علبة ونظيف مقدار 50 ملم من ال لكر و 100 ملم من المجفف الى 115 ملم



و نحرك الخليط ونحافظ ان ما يدخل غبار او اي جسم للخليط مدة نص دقيقه واحنا نحرك



الخطوه العاشره والاخيره



نستخدم الاسفنجه



نغمس الاسفنجه في الخليط ونمسح الاسفنجه في الزجاج بطريقه خفيفه و متقنه انحاول ما نضغط الاسفنجه على شان ما تتكون فقاعات هواء فيها

بعد كذا تشوف ان الزجاج اصبح صاافي جداُ نتركه في الشمس اقل شي ساعتين



و بعدها نرجع نركبه



وهذي صورتين توضح النور قبل و بعد العمليه في الاعلى



قبل

http://img31.imageshack.us/img31/4144/99121295.jpg



بعد



http://img832.imageshack.us/img832/5289/65219770.jpg





يفضل بعد ما ينشف تمام وتركبه تركب نوع من انواع التضليل الشفاف والقوي من اجل حمايته في المستقبل

وان شاء الله قريباً الشرح عن طريق الفديو



ولكم خالص التقدير والمحبه



محبكم ِalpina