عرب موتورز arabmotors موقع السيارات العربي الاول - أصحاب 2007 وماقبل هل تغير الواجهه أو لأ؟

سلام عليكم
كيف الحال ياشباب وكل عام وانتم بخير
زي ماتعرفوا موديل 2008 تغيرت اشياء كثيرة عن موديلات 2007 وماقبلها وخصوصا الواجهه
ابغى منكم رأيكم لأصحاب موديلات 2007-2006-2005 عن مدى الفائدة المادية والمعنوية لتغيير الواجهه
مثلا موديل سيارتي 2006 لو فرضنا قيمة السياره لو ابغى ابيعها مثلا 60 الف
الواجهه معدومة طبعا مع السفر
تغيير الواجهه صدام+كشافات+شبك مع بوية في محل عادي تقريبا 2000 ريال بدون الشمعات ومع الشمعات تقريبا 4000
السؤال ايش هوا افضل حل يكسب الشخص صاحب السياره ويجيب زبون بشكل اسرع
1- ترك الواجهه كمان هي لانه مافي فائدة تدفع مبلغ وماراح يرتفع سعر السياره
2- ضرب الصدام بوية فقط (الصدام نفسه او صدام جديد يعني تكلفة بين 300-1000 ريال)
3- تغيير الواجهه الى 2008

القصد هل لو غيرت الواجهه الى 2008 ودفعت 2000 ريال ممكن السياره تجيب 62 الف أكثر او أقل
اخاف الواحد يدفع الفين او ثلاثة ويغير الواجهه ثم يقولوا انه السياره اكلت حادث وينزل سعرها عن 60 تصير خسارتين

ايش رايكم؟
خصوصا اللي ينزل الحراج كثير يهمني رأيه