صور الحادث حقي اليوم ... الحمدلله على السلامه .. انا حزين جدا وانيس تعور
 

السلام عليكم ورحمة الله

اليوم كنت ماشي بطريق الملك فهد متجه لخريص المهم انه الشارع زحمة

انا واقف بأمان الله واللي وراي سياره كيا توها بقراطيسها .. والا ويجيك الزول مجلعد من ورا الكيا

واسمع صوت كعة فرامل والزول ( معاه النترا جديده ) المهم انه الزول قبع الكيا من ورا وطيرها الين خشت تحت موتري

:dunno:

اقولكم صقعني الين الدفرنس

:139:

المهم اني نزلت تحمدت بسلامة راعي الكيا وزوجته المسكينه صقع راسها بالقزاز وولده الصغير يبكي جيت انا فكيت انيس الي معلقه على القزازة اللي قدام وعطيته للولد الصغير عشان يسكت

شوي ويجي الزول الله يلعن شكله يهايط على راعي الكيا يقوله ليش ما شغلت الفليشر عليك الله

المهم جات الدوريه وحطت الحق مليون بالميه على الزول .. الزول الوصخ يقاوح يقول ما ممكن الجماعه ديل صادمين من اول :90007:

العسكري الله يجزاه خير قاله انت بزاتك ظف وجهك لا ادفك بالكامري واوديك التوقيف .. طبعا الزول ممشى وهو يردد دا الزلم بزاتو ههههههههههههههههه

الله يلعن شكله نصاب

المهم اخليكم مع الصور

:139:

اول ما نزلت لاحظوا خويي راعي الكيا المسكين ووين وصل كفري السبير الين قزازته :139:

http://www.jeep-ksa.com/upload/uploa...3258069261.jpg

http://www.jeep-ksa.com/upload/uploa...3258069273.jpg

http://www.jeep-ksa.com/upload/uploa...3258069274.jpg

http://www.jeep-ksa.com/upload/uploa...3258069275.jpg

http://www.jeep-ksa.com/upload/uploa...3258069276.jpg

http://www.jeep-ksa.com/upload/uploa...3258069277.jpg

حياتي انيس صقع راسه بالقزازه الاماميه ومن عقبها وهو حزين
http://www.jeep-ksa.com/upload/uploa...3258069278.jpg

..

الحين طبعا قالي العسكري انه لازم اراجع مرور الناصريه يوم السبت
سؤال لو سمحتوا وش الاجراءات ؟؟

والكيا وصل الين الدفرنس عندي اكيد انه موتري تأثر غير العاكس اللي طار والصدام اللي تهشم
شلون اشيك على كل شي واخلي التامين يرجع كل شي لي وكاله !!

ما ابيهم يلعبون علي .. سيارتي الحمدلله كل قطعها وكاله ومافي ولا رشه ولا صدمه قبل .. ومو مستعد اواجه طقه بالدفرنس والا القير والا رجه بالعمود بسبب انه دفني الكيا من الدفرنس

والا جلود خلفيه وخلافها

تكفون ابي النصيحه وش اشيك لاني اعرف حقين ورش التقدير نصابين ولا راح يشيك زين

:139: