حرارة المحرك عالسرعة تزل بشكل مو طبيعي....
 

مرحبا شباب
انا عندي التيما موديل 2008

من فترة حسيت انو الحرارة صارت ترتفع زيادة
قبل يومين كنت حاطط انجيكتور كلينر للمحرك

فكرت انز المراوح ما تشتغل
فاخدتها لمكنيكي
شاف المراوح شغالة ومافيها شي

شيك الريدتور كمان مافي شي
وبعدين فك بايب داخل للمحرك
وشال قطعة (صايرة متل حديدةوفيها نابض "سدادة انا هيك فهمت")
قال هي خربانة
هي يحطوها مشان لما يحما المحرك زيادة المي يدخل لكل اجزاز المحرك ويبردو

بعد ما شالها
السيارة صارت تطول مشان تحما
يمكن 10 دقاييق وما توصل للشخطة الثانية
واول ما امشي بيها
تبلش الحرارة تنزل

ويوم اسرع الحرارة تنزل عالخط الاول
خايف يكون هالمكانيكي اهبل وما يعرف شو بيعمل والمحرك يصيبو شي
لان برودة السيارة مو طبيعية

واحتمال الحرارة الزايدة من ورى الانجكتور كلينر
لاني حطيتوه بس ع نص التنك
ع اساس مركز شوي

وهي صورة للحرارة وانا ماشي فوق ال 80 والسيارة كانت حامية لما تحركت
http://im18.gulfup.com/2012-01-20/1327018857601.jpg

نسيت اقلكم
السيارة لما توقف حرارتها ترجع شوي شوي طبيعية
بس امشي تبلش تنزل

ليش هالشي
وهالشي طبيعي او في مشكلة
وياثر عالمحرك هالشي ؟؟