معلومه أسعار الكفرات بريجستون دنلوب تويو هانكوك
 

السلام عليكم ورحمة الله
صباح الغبار الفله عاد طبعا الموظفين ماعندهم اجازات لانهم ضبان صيفا دلافين شتاءا عادي بس ان شاء الله الاربعاء على تركيا :SnipeR (45):
أمس غيرت طقم كفرات فحبيت أفيدكم بأسعار الكفرات هذا الشهر مارس 2012
انا من مناصري بريجستون من 2001 وانا كفراتي بريجستون لكن ارتفاع الاسعار عندهم اصبح غير مبرر ومبالغ فيه بشكل كبير
بريجستون عندها عدة انواع
بوتنزا نقشة نص رياضية
http://www.tyrereviews.co.uk/images/...enza_RE001.jpg
جربتها قبل سنتين وكان كفر سئ جدا غالي ولا يعيش وقاسي قيمته الان تقريبا 700 ريال

قبلها كان في نوع اسمه GR-80 ب570 ريال على مااتذكر ووقفوا صناعته وجابوا الموديل اللي بعده GR-90 حسنوا فيه الدعسة صارت أحسن في الموية وصار الكفر انعم
https://encrypted-tbn0.google.com/im...0TvGXfHiZSP7xw
في المقابل صار الكفر أغلى اشتريته العام ب625 ريال على مااتذكر
السنة هذه ب694 ريال!!! مع التركيب طبعا
الكفر للاسف مامشيت عليه غير 50 ألف كيلو (سنه بس) واضطريت اغيره لأنه اتمسح وأكلت أكثر من مسمار وصار ينسم


في نوع ثالث اسمه ER-33 وهذا موديله نازل من زمان أقدم موديل وحسب مااتذكر ركبته على الماكسيما القديمه قبل 10 سنوات كان عمره طويل بس سعره غالي ب833 ريال حاليا على الافالون على مااتذكر
https://encrypted-tbn0.google.com/im...eGnl691NRgJMzQ

مريت على تويو فقط لمعرفة الاسعار ولا انا حلفت اني مااركبه لانه كفر سئ جداااااااا عمره قصير ويحبل وتظهر اسلاكه بسرعه
سعر الكفر عند الموزع ب520 ريال بدون تركيب

سألت عن دنلوب ب550 ريال وانا ماارتحت لدنلوب لاني شفت اكثر من شخص على الكورولا يشتكوا منه

كومهو ويوكوهواما سيئة ماانصح فيها لاحد
الكومهو يشتكوا منها اصحاب السوناتا
اليوكوهاما اصحاب الكامري يشتكوا منها

أخيرا قررت على اجرب الهانكوك في أكثر من شخص مدحها لي
215/55/ZR17 94W
الكفر ب500 ريال مع التركيب
http://t0.gstatic.com/images?q=tbn:A...aSPjySbqfrpcCp
نقشته فيها خطوط خاصة للمطر
طبعا تقييمي لها مستحيل الان لازم اجربها 30 الف كيلو على الاقل
لكن ان شاء الله تمشيني 65 الف كيلو على الاقل وحسب الارقام فهي افضل من البريجستون
التراكشين A الحرارة A السرعة W الحمل 94 التآكل وهو أهم شي (كم يمشي الكفر) 300 مقارنة بالبريجستون كان 240

بصراحه الواحد صار يدور الجنط الصغير بسبب اسعار الكفرات
اعتقد جنط 17 اكثر من كافي واذا مررره 18 اما 19 و20 مشروع تفليس