استفسارات ومشاكل في الفتك 2002 ... فزعـــــــتكم أأ
 

السلام عليكم

شباب المنتدى انا شاد الظهر بالله ثم فيكم .. عندي عدة مشاكل جمعتها وقلت بطرحها مرة وحدة يمكن القالها حل بما ان هالمنتدى مختص بهالامور

اولا عندي فتك سوبر سفاري موديل 2002 .. القير اوتوماتيك

بنبدا بالمشاكل الي واجهتني .. اتمنى الي عنده اي فكرة او حل ما يبخل علينا وبكون له شاكر من كل قلبي

::

- المكينة فيها هزة عند تشغيلها واطفائها .. والهزة مب طبيعية .. ويوم اطفي المكينة اسمع صوت شي يضرب من تحت البونيت

- تطلعلي علامة جك انجن وماشوف اي اعراض ، وكل ما اروح عن كراج سماء اسيا "الطاف" يجيكلي عالكمبيوتر ويقولي صاحي مافيه شي .. يعيد البرمجة .. لكن يومين الى 3 ايام وترجع العلامة (3 مرات رحتله) ... ويوم اشغل السيارة .. لمدة ثانيتين لا توجد علامة الجنك انجن .. وبعد هالثانيتين تطلع

- واجهتني قبل مشكلة في ضعف الريس او انعدامه بشكل كبير .. يعني فل ريس ما يتعدى 80 ويباله سنة لين ما يوصل هالسرعه (( تم الحل بتغيير ظفيرة المكينة وساعة الفلتر ))

- الاستيعاب البطيء في السيارة .. يوم اعطيها فل ريس تاخذلها ثانية تقريبا .. وبعدين الصوت يرتفع وبعدها السيارة تتحرك

- قوة السحب ضعيفة جدا .. مافيها تورك .. حتى ريس بريك بتواير 900 ما يستوي

- صوت في القير عند التغيير من d الى r او العكس

- السيارة عليها جامبينات وطيات 2 انش زيادة من تف دوغ ... احس يوم عالمطب ان السيارة تنفصل من الشاصي ... ماعرف كيف اشرحها .. لكن اسمع صوت "طك"

- اوقات والسيارة واقفة اسمع صوت من المكينة .. والسيارة تهتز والريس يلعب بشكل بسيط .. هالمشكلة مب دوم بس يوميا عالاقل مرة تصير

للعلم شباب في حالة ان هالمعلومات بتفيدكم : السيارة عليها راس هدرز، دبة دينمكس كاتمة وطلقة وكالة + فلتر ريس + برمجة يومنيجب من بن عمر + بلكات ريس + القير مقواي عند دكسل

حاليا هذي المشاكل الي اتذكرها .. اتمني تشوفولي حل لان ناوي اسافر فيها الاسبوع القادم اذا الله راد