بسم الله الرحمن الرحيم

قصتي تبدأ بتاريخ 20/10/1431 مع اول الصبح وقبل الذهاب للدوام طلعت السيارة

اضغط على الفرامل عشان اشغل السيارة ماولع النور الاصفر اللي في زر التشغيل

ظغطت على الزر اشتغل السويتش فقط

دست على الفرامل بقوة ولعت اللمبة الصفراء اللي في زر التشغيل وشغلت السيارة ورحت دوامي

بعد خروجي من العمل شغلت السيارة بدون مشاكل رفعت رجلي عن الفرامل انتظرت قليلا

وجيت اعشق بعد ماادعس الفرامل طبعا وللأسف ما ينتقل القير من البارك للريوس

استغربت صراحة وياولد حوال ماتحاول مافيه امل

قمت ادبل على الفرامل واعشق وعشقت بعد كل كلفة

ومع الرجوع للمنزل واثناء وقوفي عند اشارة ولعت لمبة VSC + abs

عندها ادركت ان فيه مشكلة وكملت طريقي ورجعت البيت


وفي بداية اليوم الثاني نفس المشكلة ماتشتغل السيارة

غير بعد ماادبل على الفرمل اكثر من مرة والتعشيق نفسه لازم احول اكثر مرة

وفي الليل وانا عند اشارة وضاغط على الفرامل الاحظ مافيه لمبة والعة عند الشنطة

اظغط اكثر من مرة مرة تولع ومرة لا

عندها عرفت ان المشكلة تخص الفرامل

-----------------------------------------------------


صبرت على السيارة وآخر اسبوع وديتها للشركة فرع المطار لأنها على الضمان

استبقلوا السيارة وخلوها عندهم الى يوم الاحد الماضي

دق علي المهندس وقال للأسف ماراح نصلح لك السيارة بسببب تعرضها لحادث

مريتهم الفرع واخذت وعطيت معه كيف سيارة ماشية بسبب حادث تخرج من الضمان

المهم قالي هذي سياسة تويوتا وانا مابيدي شيء واللي نقدر نسويه انا نفحص برسوم 350 ريال وبعدها يطلع العطل وش سببه وتصلح على حسابك الخاص
وقال ممكن يكون حساس القير خربان وتكلف 3000 هذا الكلام قبل الفحص طبعا
يعني الله اعلم بعد الفحص وش بيطلعون

المهم اخذت السيارة من عندهم رغم محاولته في ان اخلي السيارة عندهم
ومن الاشياء اللي قالها ماراح احد يصلح زي عندنا وانك راح تظطر ترجع لنا مرة ثانية

-----------------------------------------------------------------------


طلعت السيارة من عندهم ومريت صناعية المطار وسألت عن افضل الورش الخاصة بتويوتا

ودلوني على مركز الاتحاد لصيانة لكزس على شارع سلطان بن سلمان

طبعا اول ما وصلت الورشة خليت المهندس يجرب بنفسه

ومباشرة قالي هات حساس فرامل

قلتله ياولد انا توي جاي من الشركة ومهم قادرين يعرفون الخراب من ايش غير بعد فحص وعله وانت على طول هات حساس حتى بدون فحص كمبيوتر

عاد رد علي وقال : صلي على النبي اللهم صلي وسلم عليه
هات الحساس واذا ماصطلحت انا اتحمل المسؤولية

طلعت من الورشة انا من الفرحة ماني مصدق

وفي نفسي اقول يالله انه الحساس بس اللي خربان
طبعا بعد ماخوفني مهندس تويوتا الله يسامحه

اخذته من الشركة ثاني يوم ب 110 وركبته ب 100 والحمدلله اختفت المشكلة ولله الحمد

ب210 فقط يعني ماجات حتى قيمة الكشف عند الشركة

-----------------------------------------------------------------------------------------

المختصر المفيد

المشكلة : لمبة الفرامل ماتولع يعني توقف في الخلف عند الاصطب تدعس على الفرامل
مايشتغل الاصطب حق الفرامل

نتائجها وبعض الاعراض المرتبطة بها:

1- عدم اشتغال السيارة لانها مرتبطة بالفرامل
2- ماتعشق من البارك للريوس

3- تولع لمبات االتراكشن والاي بي اس في الطبلون
4- اذا كان المثبت شغال مجدر ماتظغط على الفرامل تلقاه يومض باستمرار غير تطفيه وتشغله مرة اخرى

حلها : تغيير حساس الفرامل فقط

--------------------------------
اعذروني يااخوان على الاطالة لكن صراحة مشكلة تعبتني
وانا عملي بعيد عن جدة وللاسف ماعندنا ورش فعشان كذ اجلتها للاجازة