السلام عليكم ورحمة الله وبركاته
اسعد الله صباحكم / مسائكم بكل خير
اترككم مع الصور فهي ابلغ من الكلام
طبعاً اول شي نقوم بفك الديكور المحيط بالمسجل والساعه
ويجب سحبه من الخط العلوي للخارج بهدوء عشان ما تكسره
بعد ما تخرجه من مكانه راح تلاحظ سلك متصل بنفس الديكور
من خلف الساعه وتقوم بالضغط عليه لفكه وإخراج الديكور
صوره للطبلون بعد ما تم فك ديكور الساعه
وفوق المسجل بتلاحظون مسمارين لتثبيت المسجل ومسمارين
من الجوانب السفليه لونها اصفر او نحاسي وعددها كامله اربع مسامير
يتم فكها لإخراج المسجل
صور للمسمارين الجانبيين
صوره للطبلون بعد ما تم تشليحه هع هع
اول شي
يجب فصل اسلاك فتحة التهويه ودرجات التحكم ببرودة المكيف
المسكة اللي باللون الأزرق حقت سلك فتحة التهويه
يتم الضغط عليها من الأعلى لفكها ويتم سحبها لأعلى مثل طريقة
ماسكة الأوراق
صوره لمسكة درجة برودة المكيف ويتم فكها بنفس الطريقه
صورة بعد ما تم فك المسكات اللي باللون الأزرق والأحمر
بعدها يتم فك السلكين الحديديه الرابطه بين ديكور المكيف والمسكتين التي تم فكها
وتحديداً الموصله بالقطعه البلاستيكيه السوداء نقوم بسحبها لأعلى
2 - المسكتين الزرقاء والحمراء
2- السلكين الموصله للكهرب بمنتصف الديكور
صور للديكور وهو جالس ينتظر مصيره :SnipeR (7):
ركزوا الحين في كلامي تماااااااااام حتى ما تجيبوا الطامه اوك
اول شي نقوم بفك الفرارات كامله وعددها اربع
1- فرارة التهويه
2- فرارة درجات التبريد
3- فرارة التوجيه
4- فرارة درجة حرارة المكيف
وراح يطلع معاك نفس هالشكل
والحين نجي للمهم
نقوم بفك كلبسات الوجه الخارجي للديكور وراح نحتاج مفك ( سكروب ) عادي
وعدد الكلبسات 7 او 8 ثالث اماميه وثلاث خلفيه و وحده او ثنتين مع الأطراف
ولسهولة فك الديكور يجب ان تبدأ من الجهه الخلفيه للديكور
نبدأ بسم الله بفتح الكلبسات برفعها قليلاً لأعلى
لأن في حالة رفعها لأعلى بزياده على طول راح تنكسر
راح يتم فك كل وحده وإمساك الديكور بإحكام مع سحب مكان كل كلبس
حتى ما يرجع يركب في مكانه
المرحله الأولى يتم فك الجهه الخلفيه بهدوء وبعد ما تفتح كامل الجهه
تبقى حاط يدك حتى ما ترجع تتركب مره ثانيه
وتسوي نفس الطريقه بالجهه الأماميه ومع الجوانب
وراح يطلع معاك الشكل النهائي زي كذا
تنبيه
القطعه النيكل المحدده باللون الأزرق لازم تنتبهلها اثناء تغيير الأنوار الداخليه
لأنها لو سقطت من مكانها ماراح يشتغل معاك فرار التحكم ابداً
وكذلك قطعه بلاستيكيه شفافه موجوده في الركن الأيسر من الديكور
تقريباً خلف زر الفلشر
صوره توضح اماكن اللمبات وعددها خمس
حبتين في الأطراف وثلاث حبات في المنتصف
وأماكنها واضحه كل ما عليك هو انك تفرها مع القاعده بإتجاه عقارب الساعه
وتخرجها من مكانها وتغير اللمبه وترجعها فقط
صوره لطريقة إخراج اللمبه من الديكور
لإخراج اللمبه من القاعده لابد من استخدام مفص لأنها تخرج مع الحديدتين الجانبيه
في نفس القاعده او إذا تخاف تخربها وديها لأقرب كهربائي يركبها لك
لأني حاولت اصور طريقة إخراج وتركيب اللمبه لكن بدون جدوى لأنها تحتاج لكاميرا كويسه
واللي عندي ما تلقط الا بالعافيه طبعاً التصوير كان يمشي حاله لأنه بجوال n70
لو كان عندي كاميرا صاحيه كان نزلت صور صاحيه
لكن بحاول اوصل الفكره قد ما أقدر لطريقة فك اللمبه
تجيب المقص وتحاول تفك الحديدتين وتفصلها عن القاعده وراح تخرج مع نفس اللمبه
وإذا خرجتها تقوم بقطع الأسلاك المتصله باللمبه
وترجع الحديدتين لنفس القاعده وتركب عليها اللمبات الجديده
وحتى تتأكد انها تشتغل والا لا
توصل الأسلاك اللي كانت راكبه في ديكور المكيف طبعاً راح ترجع السلكين اللي في المنتصف فقط
والسلكين اللي بالمسكات الزرقاء والحمراء ما تركبها لأننا نبي نتأكد ان اللمبات تشتغل او لا
وإذا إشتغلت كلها ترجع كل شي زي ماكان وتركبه
وهذي صوره لإنارة الديكور بعد ما تم استبدال اللمبات المحروقه
وفي الختام
اتمنى ان يكون هذا التقرير قد حاز على رضاكم
وأتمنى انه يكون واضح بالشكل المطلوب لأني سويته سريع سريع
بناءً على طلب أخوي قلبي عليك والموضوع إهداء له ولا يهونون بقية الشباب
وأحب اذكر انه اللي يحس نفسه ما يعرف يسويها لا يسويها
لأنها بصراحه متعبه وتاخذ منك الشغله حدود ساعتين
والسلام خير الختام
'vdrm t; ]d;,v hgl;dt gg;hlvd 2003 - 2006