السلام عليكم
عندي مشكلة البرادو 2006 ماشي معاي بشكل ممتاز فل اوبشن
الا انه من شهرين طلعت عندي مشكله الهايدروليك يكون من ورا نازل اذا طفيت السياره (ينزل بشكل كبير كأن السياره مركعه ) واذا شغلتها يرجع بعد دقيقه واسمع صوت تنسيم وطقطقه في الهايدروليك خفيفه ومتتابعه واحيانا يعلق ولايرتفع وانواع المطبات
رحت للورش في الخضريه من الصقر والراجح والهايدروليك الطائر قالوا مانصلحها روح للوكاله
رحت للو كاله قالوا احتمال من 6000 الى 9000 ريال :( لان الوكاله مااااتصلح على طول استبدال اذا فيه مشكله ونصحني واحد قال لاتستعجل حط موضوع بمنتدى تويويتا العربيه والجماع راح يفزعون معك وعندهم خبره في هالامور
هل يوجد ورشه مضمونه تصلح لي الهايدروليك بالدمام او الخبر تكفون ياجماعه لاتهملون موضوع وشفت موضوع للعضو مجنون البرادو صار معاه نفس موضوعي لكنه ماتابع الموضوع وقال وش صار عليه اتمنى يكون موجود .
طبعا الهايدروليك نظام هواء مو زيت هل يحتاج تصليح
hggd uk]i ofvi fihd]v,gd; hgfvh], dh[lhum hgodv