السلام عليكم والرحمة الله وبركاته
اولا السموحه من الجميع لكثرة المواضيع الي اطرحها لان اشوف المنتدى فيه شوية خمول قلت خلنا نطرح مواضيع نستفيد منها وانفيد غيرنا
حبيت اسئل اصحاب الخبرة بخصوص تعبئة البترول
مثل ما يعمل الجميع سعر البترول عندنا في الامارات ناااار وانا ابا اعبي بطل الدروب في البريمي ( سلطنة عمان ) لان ارخص على كل تعبئة اوفر 50 درهم لو نحسبها بتطلع وايد
المهم ياخواني سؤالي هل بيسوي مشاكل للموتر في حال تعبئة بترول من البريمي افضل نوع عندهم ( ممتاز )
علما اانا كانت عندي لكزس 570 موديل 2009 وكنت اعبي دوم من البريمي وما حصل اي مشاكل
وحاليا بعد عندي لكزس صالون 460 واعبي من البريمي تقريبا من 5 شهور وما حصل معاي اي مشاكل فشو راي الاخوان بالموضوع .؟
وسؤال اخير في حال اي حد من الاخوان قال بان بترول البريمي يسوي مشكل للمحرك عيل شعب السلطنة عندهم نيساسين 2010 و 2011 ليش ما تستوي عندهم المشاكل في المحركات .؟
schg > ig jufzm fjv,g hgfvdld ( sg'km ulhk ) js,d lah;g td lpv; f'g hg]v,f