السلام عليكم ورحمة الله وبركاته
هذا الموضوع يحتوي على معلومات
عن انواع كفرات البالون من واقع تجربه
اولا: المزايـــــــــا :
= رفع السياره
= الراحه التامه في البر
= المحافظه على السياره من التفكك وخاصه با البر
= قليلة البنشره وربما معدومه با اذن الله
= مخصصه بالدرجه الاولى للبر والارض والوعره جدا
ثانيا : العيــــــوب :
= قصر العمر
= الانزلاق وقت الامطار
= الرجه على بعض انواع من السيارات
= لا تصلح لصعود الطعوس الطويله واقصد الاستعراض
= متعبه في السفر وخاصه اذا كان هناك رياح شديده
= تقيله نوعا ما على بعض السيارات
ثالث : الامـــــــــان :
= يعتبر كفر البالون افضل كفر من حيث الامان با اذن الله وذلك لان صناعته تختلف عن صناعة الاطارات الاخرى حيث لا يدخل في صناعته اي مواد اخرى مثل سلك او خيوط ولذلك تجده نادرا وربما معدوم انك تشوف كفر بالون منسلخ او منفجر .
رابعا : الطريقه الامثلى للاستخدام :
= يفضل ان يكون مقياس الهواء بين 30 و 40 حسب الحاجه
= في البر يفضل ان يكون الهواء بين 18 و20 حتى تسلم من البشره وتتمتع بالراحه التامه وكذالك المحافضه على السياره من التفكك.
انواعهـــــــــــــــــــــــا:
+ دنلوب =جميل على السياره + لين نوعا ما + الوزن خفيف مقارنه با الكفرات الاخرى + قصر عمره + سعره غالي نسبيا.(نوع واحد 16 )
+ ماكسس= العمراطول من الدنلوب +سعره مناسب جدا + اتقل من الدنلوب +(وهو نوعان 16_17 )
+برجستون= شكل قبيح على السياره +قاسي نوعا ما+ افضل من الدنلوب من ناحية العمر+قليل جدا تحصله بالسوق؟(نوع واحد16 )
+اسيام = اجمل كفر+ العمر اطول+ثقيل نوعا ما+ قاسي مقارنه بالفكراتالاخرى+سعره عالي+ قليل جدا عندنا بالسعوديه+ ويوجد منه نوعين 900 و(825 لكنه قليل جداا ) اوسمعنا انه راح ينزل مقاس 17 .
+ هيرو=نوع(عريض مقاس 17 )وهو اجمل كفر وخاصهللاند كروزر والجمس السييرا لانه نازل نسبيا أي ليس رفيع وممتاز للباترول اذا ما يهمك الارتفاع +العمر تقربيا زي الماكسس+وخفيف.
هيرو=(نحيف مقاس 17 ) نفس مواصفات العريض لاكن قليل جدا اشوفه مع الناس وخاصه في قطر والامارات.
هيرو=نوعان (مقاس 16 عريض ونحيف) نفس مواصفات ال 17 .
+ مالوان=(نوعان عريض ونحيف ومقاس 17 
6 )ونفس مواصفات الهيرو بالظبط من ناحية الشكل والتصميم اللهم اختلاف الشركات فقط.
+ كفرات=الزتكس+سايمكس+شارك=لا انصح با استخدمها...وهي موجود تقربيا في قطر والامارات اما الزتكس فهو موجود بالسعوديه.
زبدة الكلام افضل كفر مقاس 17 الهيرو يليه مالوان لاكن اسعارها غاليه تتروح بين 600 وحينا توصل 750 ريال للكفر الواحد وهي موجوده بالامارات وقطر وبالمنطقه الشرقيه. يمكن تحصلها احينا.
مقاس 16 اللى اشوفه افضل كفر اسيام تاير يليه ماكسس
تحياتي لكم
ابونوره
glpfd ;tvhj hgfhg,k >> l.hdh K ud,f hk,hu >>>>