اخواني زي ماهو مكتوب بالموضوع
انا
سيارتي انسرقت يوم السبت بالليل والله لا يوفقه يارب الله سرقها حسبي الله ونعم الوكيل
انا من سكان الخبر وسيارتي انسرقت من السويكت بالضبط تقاطع الثالث عشر مقابل أمبراطور الفلافل
كنت مطفي السيارة وكل شي ومطفي الانوار لكن خليت المفتاح داخل السيارة لاني كنت موقف دبل باركينق
واخوي بالجهة الثانية من الشارع قلت عشان بأي وقت يمكن تجي دورية يحركها
لكن قدر الله وماشاء الله فعل بثواني رحت اشوف اهلي بمحل مقابل المطعم انسرقت السيارة
واللي سرقوها للأسف كانو معاي بالمطعم فيه ناس شافوهم ثنين شباب
بلغت الشرطة وكل شي وما خليت مكان مادورت فيه
سيارتي والحمد لله نظيفة ماشريتها الا في عام 2008
لكن الله يعوضني يارب والشكوى لله
لأهل الشرقية تكفون ابي
فزعتكم اللي يعرف السيارة او يشوفها يبلغ الشرطة على 999 موجود عندهم التعميم وكل شي
في ناس امس قالت لي شافوها بالثقبه ورحت لكن ماحصلت شي مادري وين يكون الله لا يوفقه يارب
موا صفات سيارتي
نيسان ألتيما
2007 أبيض ستة سلندر قير عادي
الجنط معروف 17 وبدون جناح
حاط حرف فوق كلمة ألتميا من الخلف حرف B
وفيه طقه بالرفرف الامامي يسار على حواف الرفرف زي الصدمه خفيفه
تكفون اللي يشوفها او يشك باي سيارة لانه ممكن يغير اللوحات او يفكها او يسوي اي شي ثاني
والله لي يومين وانا ادور بالشوارع واروح للشرطة والمرور وكل شي لكن للحين ماصار شي
دعواتكم اني ألقاها يارب
اخوكم يوسف
/