اختار هو 2.0 الزموه باللون الابيض والقير عادي .. وتكون سياحية .. طيس - بدون ريموت - بدون فتحة سقف ..
داخلية سوداء مع رصاصي - مسجل سيدي - وطبلون ازرق ..
- القزاز كهرباء .. وفيه زرار يرفع وينزل
النور .. بالاضافة المسجل فيه بلوتوث ..
وهنا يبان الطبلون الازرق ..
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 800x600 .
انا ركبت معه وسقت السيارة شخصيا مع اني فاشل في القير العادي لكن السيارة كانت مريحة جدا ماشاء الله .. وما قدرت اسرع فيها كون انها توها وكالة ولكن من قومتها باين عليها تميز مكينتها ..
بحثت ولقيت لها مقطع مقاومة مع التيما ..
وهذا مقطع وهي نازلة عن طبلونها ما شاء الله :
طبعا الشنطة زي ما انتوا عارفين استبنة وداخل الاستبنة عدة وبجانبها العفريتة وطفاية حريق .. بالاضافة الى مقياس اطارات ..
السيارة قعد يستناها قرابة 3 ايام ..
وكالة الوعلان بطريق خريص مخرج 13 ..
وهذا كروكي للموقع :
مع الخصومات والتنزيلات اللي جته صارت السيارة بمبلغ 41600 ريال ..
طبعا ولد عمتي يبي يسوي لها حركات فراح الغرابي يسال عن جنوطها حصلها بـ600 ريال ..
وحساسات خلفية مع الجهاز من الوكالة بـ600 ريال تقريبا ..
انا انصحك بهذا النوع للآتي :-
- مكينة قوية ..
- تدفع 1200 وتركب جنوط وحساسات وبكذا تصير سيارتك نص فل ..
اتمنى لكم التوفيق واتمنى اني افدتكم بتجربتي مع ولد عمتي ..
ما كنت اشوف السيارات الكورية شي .. بس فعلا اثبتت وجودها ..