[عاشق الجيب]

مقارنه بين مكلارن اف1 و mp4-12c

مرت حوالي 20 سنه على مكلارين اف1 الي كانت اثبتت نفسها قبل 16 سنه كأسرع سياره فالعالم قبل بوجاتي

كانت سرعتها القصوى تصل 385 كيلومتر فالساعه

اما الحين كشفت مكلارين سيارتها اليديده mp4 12c
و هي موجهه لمنافسة فراري 458 ايطاليا و ربعها

و ملامح السياره مثل ما بتجوفون انها ماخذه من مكلارين اف1

كانت مكلارين اف 1 محركها 12 سلندر من بي ام دبليو

اما السياره الجديده بتكون بمحرك 8 سلندر 3.8 لتر توين تيربو
وهو محرك بنته مكلارين بنفسها من البدايه و توصل قوته 592 حصان
اما اداء هاذا المحرك يقدر يوصل السياره لسرعة 200 كيلومتر فالساعه في اقل من 10 ثواني

كانت الاف1 تنزل بجير عادي 6 سرعات اما السياره الجديده جير 7 غيارات دبل كلتش
و ها الخاصيه معروفه في بعض السيارات السبورت اليديده تخلي التبديلات تكون سريعه فبدل كلتش واحد صارو2
فيوم تبدل السياره من جير لجير بكلتش الكلتش ال2 يكون جاهز للتبديله اليايه فتكون التبديلات سلسه و سريعه

مكلارين انتجت من سيارتها اف1 اجمالي 106 سيارات مشموله بسيارات السباق منها 64 المجهزه للاستعمال على الطرقات و 5 اختباريات

لكن الحين غير فقط السنه الاولى للانتاج 2011 ناويه تنتج 1000 سياره تقريبا

انا طبعا ترجمت المعلومات عن السياراتين من مجلة ايفو البريطانيه و الصور من المجله :66:









و الحين اخليكم وي صور السياره النسخه المعده للانتاج او الي بدو انتاجها :50:















هاذا تقييم المجله بالفيديو للسياره اذا حابين تجوفونه

New McLaren MP4-12C review, video and picture gallery | evo

و هاذا سباق بين مكلارين و فراري 458 و بورش 911 تيربو بس مب متاكد هي اس ولا لا