السلام عليكم ورحمة الله وبركاته :
انا عضو جديد في منتدانا الغالي نيسان اربيليا وهذا موضوعي مادري كم رقمه خخ بس اهم شي انه موضوع حبيت انه يكون مميز طبعا اهداء الى الشعب الاتيمي اسف على الاطاله
ارجو من الجميع الرد واذا ماعليكم قاصر التقيم
الصراحه لاحظت إنه هالموضوع مهم خاصه لما شفت و قريت أخطاء احنا نسويها و ما ندري انها غلط
طبعا هالموضوع ملقط من كذا مكان و حبيت يكون موضوع متكامل فجمعت لكم المعلومات و إن شاء الله تستفيدون مثل ما استفدت.............
أولا ^_^لا تقوم بغسل سيارتك في الاماكن الخاصة لغسلها وقصدي مغاسل السيارات . والسبب أن الذين يقومون بتنظيف السيارات في الورش والمحطات يشوهون وجه طلاء السيارة بشكل يلفت النظر لأنهم يقومون بالمسح على الطلاء وعليه ذرات التراب التي تخدش الطلاء (زي ماصار لي انا حتي انا امسحها وهي مغبره لين ماصارت شوارع رايحه وجايه وكباري وانفاق وحوادث كل دا في بوية سيارتي خخخخخ).
بالإضافة إلى عدم اهتمامهم بتنظيف قطع القماش أو الفوطه او الجلد الذي يقومون بالتمسيح بها أضف إلى ذلك غسلهم للسيارة بالماء المالح الذي يبًهت لون السيارة بالإضافة إلى استخدامهم أردى أنواع الشامبو للغسيل فأنت ترى السيارة وهي نظيفة ولكن ليست بدرجة النظافة المطلوبة ولعلمك فأنت تخسر ما لا يقل عن 2% إن لم يكن أكثر من لمعان السيارة في كل مرة تقوم بها
في التنظيف الخارجي لعدد من العوامل ذكرتها سابقاً ألخصها فيما يلي :
1- عدم أهلية من يقوم بالغسل
2- غسل السيارة بالماء المالح
3- تمسيح السياره وعليها ذرات الغبار
4- وساخة قطع القماش او الفوطة التي يتم بها التمسيح
أخي صاحب السيارة :
إليك هذه النصائح يجب أن تتقيد بها عند تنظيف السيارة لتمتع ناظريك ببريق لونها الجميل بعد كل تمسيحه ، فإن لم تستطع فعلها بنفسك فوص من يقوم بتنظيف سيارتك بالتقيد بها حتى ولو زادت الأجرة وهي :
1- انفخ السيارة من الداخل والخارج بالهواء القوي لإزالة الغبار والأتربة عن السيارة.
2- اغسل السيارة بالماء النقي ( ولا تسرف أن الله لا يحب المسرفين ) وفيه أجهزة مضخات في السوق لهذا الغرض وهي قوية الدفع بالماء المخلوط بالهواء وممكن جالون واحد ماء يغسل السيارة كلها.
3- أغسل السيارة بقطعة إسفنج...استخدام الإسفنجه ناعمه مو نفس اسفنجة الرنقات و التواير بالشامبو المخصص (ويفضل استخدام شامبو خاص بغسيل السياره او شامبو الاطفال الاصفر ) لاتخلي الصابون فتره طويله على السياره ويفضل استخدام قطعه فوطه عند الغسيل افضل من قطعة الاسفنج 4- أغسل آثار الشامبو بالماء النقي ودعها حتى تجف قليلاً.
5- امسح السيارة بفوطة أو قطعة جلد ( نظيفة جداً ) بعد تليينها بالماء.
6- امسح السيارة من الداخل بفوطة نظيفة جداً وكلما اتسخت الفوطة أغسلها وكرر العملية .
7- نظف أبواب السيارة من الداخل ( والكفرات من الخارج ) وأستخدم لذلك مادة تلميع للجلد او الموبيليا .
8- استخدم منظف الزجاج لتلميع الزجاج من الداخل والخارج والمرايا .
9- نظف فرش أرضيات السيارة من بقايا الغبار بعيداً عن السيارة أو أغسلها بالماء في حال تطلب الأمر ذلك .
10- لتنظيف الكفرات : عدل التواير أول شيء بعدين أخلط ماء مع الدواء الخاص للكفر و اخلطه جيدا طبعا انت منظف الكفر بالماي أول شيء بعدين ييب فرشه خاصه للكفرات ( التواير ) و اغمسها و نضفها بس لا تضغط بقوه قوه يعني ضغط لا بأس فيه كتنظيف عادي علشان ما تخرب الكفرات *_* بعدها اغسلها بالماي و بعدين انطر تنشف و بعدها رش رش خااص لتلميع الكفرات و انطر لـــ 2 إلى 3 دقائق و شوف النتيجه ^_^
بعض الملاحظات المهمه :
** أحذر استخدام صابون المخصص للأواني مثل فيري وربعه على سيارتك و الأسباب كثيره :
- طبعا هو مخصص لغسل الصحون و إزاله الدهون فلو للسياره شنو بيسير فيها !!! راح تلقاه جاف و رايحه لمعته
- كذلك فيه مواد كميائيه قويه لإزاله الدهون
- ومن اضرار استخدام شامبو عادي ان طبقت الحماية في السياره تختفي .. واللمعة تروح وتصير السياره باهته بسرعه .. والجو عندنا مايحتاج .. بدون طبقة الحمايه ومع الرطوبه لاتستغرب اذا صدت السياره من الاطرف .. لهذي السبب اغلب الشركات المصنعه للسيارات يوصون بغسل السياره بالماي من دون شامبو
** في حالت تنشيف السيارة نشف بإتجاه واحد .. واغلب الدوائر اللي في سياراتنا من هذي ، وقت التنشيف ،، لازم تكون الجلده مو منتهية يعني مو وصخه و قديمه
** حاول انك ماتغسل السياره في الشمس .. و يفضلان السياره تكون بارده .. وفي مكان مظلل .. عشان مايجف الماي بسرعه و يترك أثر ونقط على السياره
بعد ذلك رش داخل السيارة قليلاً من الطيب أو البخور وأقفل أبواب السيارة قليلاً من الوقت حتى تتغير رائحة جو السيارة الداخلي .
بعد ذلك ستستمتع بقيادة السيارة وهي في قمة لمعانها منتشياً رائحتها الزكية وكأنك في غابة من الورود والزهور
منسوووووووووووووووووخ لعيونكم
'vdrm jk/dt hgsdhvi hgwpdpi