السلام عليكم ورحمة الله وبركاته
علومكم يا شباب المنتدى ان شاء الله كلكم بخير وصحه وسلامه
المهم ما اطول عليكم
انا بعت موتري gx-r 2010 اسود سبير علاق قاطع 64 الف وبحاله جيده
مع جنوط وبوالين وجنوطه الاصليه كلها
جاب لي طويل العمر 165 الف
وبعته
على اساس اشتري vxr 5.7 2011
رحت لوكالة عبدالغني في قطر
والمفاجأه انه قال لي مابقى الا واحد في المخزن
والباقي كله مجوز
اذا تبي هذا اللي بالمخزن ادفع نص القيمه وتعال استلمه بعد 3 ايام
ومن حسن حظي انه كان نفس المواصفات اللي ابيها
سبير علاق بدون جناح وبدون العرشه اللي فوق ومن داخل جلد
طلع علي ياطويلين العمر ب 280 الف
بس مشكلته ان لونه لؤلؤي انا ادري انه مرغوب والناس تحبه
بس اللون هذا مايعجبني
والربع يضغطون علي عشان اخذه
وانا اقول في نفسي حرام اقط 280 الف على موتر لونه مو عاجبني
وانا احترم اللي يحبونه بس الناس اذواق
المهم
اللي صار
قال لي الموظف اذا تبي لون ثاني انتظر موديل 2012
سألته قلت له متى بينزل قال شهر 2 انجليزي
وانا ماتوقع بيتاخر كل هالوقت
فاللي عنده فكره عن وقت نزوله او اي معلومه عن موديل 2012
واذا بيتبرع ويروح يسأل احد الفروع القريبه منه (بكون ممنون له)
وانا براسي عبدالغني مابي وكيل غيره لاني بطلعه على لوحه قطريه
وشكرا
lug,li hggi du,qkd fhgJ 2012