السلام عليكم ورحمة الله وبركاته
اخواني السياره مالها الا يومين معي وتوها ماشيه 400 كيلو
ولاحظت حاجه ما ارتحت لها ابد واستعنت بالكاتلوج وما فهمت شي
اخواني فيه لمبة الارباق تشتغل وتطفى وحاب اعرف اذا الوضع هذا طبيعي ولا فيه مشكله
عندي وراح اشرح لكم المشكله بالصور
صورة تحذير الارباق
الشرح
يا جماعه اليوم الظهر شغلت السياره بروح للغرابي اشتغلت لمبة الارباق
وكان مكتوب تحتها OFF يعني الارباق في حال الاطفاء
ولهيت في مشواري ورجعت من الغرابي وطلعت للغرابي مره ثانيه بعد صلاة التراويح
بركب زر التراكشن من عند سليم مثل ما وصانا اخونا وحبيبنا العمران
المهم بعد ما ركبت زر التراكشن شغلت السياره ابي اروح للبيت الا ومؤشر الارباق
طافي مره حتى كتابة الارباق طافيه قلت لا يكون انفصل سلكها بعد تركيب زر التركشن
من الفيوزات
المهم مريت واحد من الشباب ودخلت عنده شوي وطلعت اتعشى انا وياه فاول ما شغلت
السياره ولعت كتابة الارباق ثم طفت
شوي الا واشتغلت مره ثانيه وصارت مثل ما شفتوها في الصورة
ارجوا افادتي وشكرا هل هذا طبيعي ولا اروح للوكالة اشوف المشكله
وهاذي صورة زر التراكشن بعد التركيب ومع زر ثاني بصراحة ودي اعرف يستخدم لاي خاصية في السياره
وكل عام وانتم بخير والشهر مبارك عليكم
dh hwphf hgofvi lpjh[ t.uj;l