السلام عليكم
الحمدلله طلعنا الماكسيما 2011 ، بعد فيلم طويل مع الحمراني الله لا يبارك فيه من وكيل
البارح رحت لهم عشان تشييك 1000 كيلو ، وقلت لهم ان البوري وازارير الدركسون ما يشتغلون وعندي اشارة الايرباق تولع وفيه قطعة موجوده بالشنطه من اول ما استلمت
السياره تتركب تحت الوجهيه
قالوا لي تعال الساعه 2 وانا كنت عندهم 11 تقريبا
جيتهم الساعه 2 واتفاجا الأخ يقولي ما صلحنا شيء بس غيرنا لك الزيت !
قلت له انا جايكم من الجبيل وتخليني انتظر 3 ساعات واخرتها تقولي ما غيرتوا إلا الزيت ؟ قالي فرعنا مافيه الا تغيير زيت والمشاكل الثانيه كهربائيه عند فرع الثقبه
وبالنسبة للقطعه الي موجوده بالشنطه يبغى لها مسامير ، قلت له انا مستلم
السياره كذا من وين اجيب مسامير ؟
يعني حسيت اني ماخذ
السياره هديه ولا دفعت قيمتها ، وانا اول مره ادري ان الكهرباء بفرع وتغيير الزيوت بفرع ثاني
المشكله اني من الجبيل وما اعرف فرع الثقبه
لذلك بغيت استشيركم ،
الحمدلله السياره فل أوبشن بس هالشغلات عكرت مزاجي ، البوري وازارير الدركسون ما يشتغلون ، واشارة الايرباق تولع ، والقطعة الي موجوده بالشنطه