سلام عليكم ورحمة الله وبركاته
مبارك عليكم الشهر
اعاده الله علينا وعليكم باليمن والبركات
وكل عام وانتم بخير
بنزل لكم تقريري الجديد واكبر تقرير واطول تقرير ينزل في المنتدى بالتفصيل الممل هههه
قولوا ما شاء الله ترى العين حق
انا عدلت على سيارتي اشياء كثيرة ولاكن بسيطه جدا
وهي:-
تم صيانة 15000 كيلو في الوكاله بملغ 220 ريال غيار زيوت وفلتر
تم تغير اللوحات الى لوحات ملكيه (طويله)
تم تزين الشبك الامامي الي فوق في اللزق النيكل والي تحت في الي تنحط على الابواب النيكل بوريكم بالصور
تم تغير لمبات اللوحه الى لمبات لكزس زينون من الوكاله
تم تنظيف فلتر المكيف وحطيت عليه من معطر السياره رحال عشان ريحة المكيف
تم تغير الفرامل الاماميه
تم شراء النيكل الي يجي بالشنطه
واخيرا صورت لكم صورة واحده انا اعبي بنزين 91 تمشيني 300 كيلو
والان اوفيكم بالصور
واتمنى ان ينال اعجابكم التقرير والصور بالتفصيل
ولا تنسونا من التقيم وارجوا تثبيت الموضوع
بسم الله
اول شي ببتدي باللوحات الملكيه
الاجراءات
اول شي سداد 100 ريال على الرقم التسلسلي للاستمارة من بنك الراجحي
صورة من الفحص
صورة من الاستمارة
صورة من التامين السيارة
انا روحت للمرور الي موجود بالروضه وقدمت الاوراق وقلي تعال بعد اسبوع وجيت بعد اسبوع سلمته القديمه وعطاني الجديده
وهذه الصوره بعد التركيب
ما شاء الله
والحين تزين الشبك الامامي بالنيكل
ما كلفني شي
اللصق النيكل بـ 10 ريال
والي تنحط على الابواب النيكل بـ 5 ريال
وهذه الصور
قبل ما ازين الشبك
وبعد
وصورة ثانيه
ما شاء الله
والحين لمبات اللوحة طريقة فكها وتركيبها
شريتها من الوكاله الي على طريق خريص وسعر الحبه 17 ريال والحبتين 34 ريال
والطريقة
اولا هذه الفاتورة والسعر
وهذه صورة اللمبه
وصورة ثانيه لها
والان نجي للطريقة نفتح الشنطه
نفك الكلبسات التي موجوده فوق
نفك اللمبة الاولى وشوي شوي عشان لا تنكسر
نشيل اللمبه القديمه ونحط الزينون مكانها ولاكن بخفه لانها تنكسر على طول
ونرجعها مكانها
ونفس الشي اللمبه الثانيه
ونرجع الكلبسات ونسمي بالله ونشوف اللمبات اشتغلت ولا لا
وهذه الصورة بعد ما ركبتها
وصورة ثانيه
اعذرونا التصوير ممكن غير واضح ولاكن هذا الي اقدر عليه الكاميرا موب لهدرجه كويسه
ما شاء الله
والان نجي للنيكل الي يجي بالشنطه
تكلفته 60 ريال بالغرابي بمكان اسمه المربع موجود بالغرابي
وهذه الصور
قبل
وبعد التركيب
وترى النيكل لصق 3m موب تخريم
ما شاء الله
والحين نجي كيفية فك فلتر المكيف وتنظيفه ووضع العطر عليه
نفتح درج السيارة من الداخل الي تحت
نفكه من الكلبسات اليمين والشمال نفس الشي
نفك القاعدت الي راكبه عليها
ونطلع الحين الفلتر
ونظف الفلتر بالهواء
وبعد التنظيف نبخ عليه من المعطر
وبعد ما نخلص نرجعه مكانه ونقفل القاعده
وهذه صورة المعطر الي حطيت منه
ما شاء الله
والحين صور واحده لعداد الكيلوا كم مشيت
الي قلت فيه فوق بالنسبة للبنزين 91 كم كيلوا يمشيك
ما شاء الله
والان نجي للموضوع المهم طريقة تغير الفرامل الاماميه ( الفحمات )
سعرها بالوكاله 700 ريال مع التركيب
بدون تركيب 360 ريال
انا روحت للموزعين لتويوتا
موجود عند اشارة الصناعيه عند محل السالم الزجاج السيارات قدام شوي
روحت وسالت سعرها 250 ريال
شريتها من عندهم وركبتها عند بيتي
وهذا الشرح
هذه الفاتورة
وهذه صور الفرامل قبل لا اركبها
والحين نرفع السيارة مثل ما موجود بالصوره ونفك البراغي
نشيل الكفر ونلف الطارة على اليمين عشان نقدر نفك الاثنين
وهذه صورة الفرامل القديمه ممسوحه هههههه رجلي قويه على الفرامل هههههههه
وهذا بعد ما ركبت وخلصت وقفلتها بالامان حقها
ونرجع الطاره على النص ونرجع الكفر ونرجع البراغي ونزل السيارة ونشد البراغي
ونجي الحين للكفر الثاني
والحين نركب الفرامل بعد ما فكينا القديمات ولفينا الطارة ووووووووووو الخ
وبعد ما ركبت الثنتين
ونرجع الحين الامان حقهم ونرجع الطاره للنص وكل شي تمام
ونرجع الكفر محله ونرجع البراغي ونزل السياره ونشدهم وكذا قد تم تركيب الفرامل الاماميه
ما شاء الله
الرجاء عدم الرد
w,v l,q,ud uhgl lk hojdhvd