السلام عليكم حبايبنا

قدْر الله علي ولا شريت الافالون اول ماجزمت من شهر ونص تقريبا او شهرين لعدة اسباب .. منها البحث عن السعر الافضل للسياره ..

اللي صاير زي ما انتم عارفين ارتفاع بالاسعار كل فتره .. المده الماضيه كانت مش موجوده الا بالوكاله واعتقد طلبيه وب128 ماينفص ولا هلله كنه يقولك تبي ولا فارق .. طبعا هذي لعبه من ابو جميل يبدولي لانه الوحيد اللي يزود المعارض وغيرهم بالسياره والباقين خليجيات عاد من برا ..

ماخبرت المعارض اذا جيت تسأله عن السعر يرد من طرف خشمه واذا كاسرت شوي ويطقك من نظرات عيونه ..



دقيت قبل امس على حدى معارض النسيم قاللي احتمال توصل الاثنين .. دقيت الاحد قال ماوصلت دق الاسبوع الجاي < كل المعارض كذا للاسف والزبون صاير لعبه .. المهم دقيت عليهم من شوي قاللي الموظف موجوده لولوي بدون شاشه 2011 .. قلت حلو على اساس نفس السعر اللي قاللي 126 يوم السبت .. سألته تدرون كم قاللي!!!! 129000 !!!! جايبينها من جده!

يعنيالى متى المواطن يُستغل هالاستغلال القبيح والاسعار صايره خضار!!! لين متى هالوضع يعني!!


قال حماية المستهلك قال .. اتمنى اتوظف هناك والله من الفرااااغ احس عندهم .. لو ينقص من راتبي الى 30٪ ماعندي مانع