السلام عليكم ورحمة الله وبركاته ..
مبارك عليكم مابقا من الشهر .. وعيدكم مبارك مقدما :SnipeR (23):
انا عضو جديد ولاكن متابع من فتره لمنتداكم اللي بصراحه فووق العجيب والي شدني له بصراحه تفاعل اعضاءه مع بعضهم ماشاء الله وحبيت انضم لكم
بس عندي استفسار بسيط
ياجماعه انا عندي لاندكروز vx.r 2009 من الامارات بس موجود فيه زوائد اماميه وحبيت اركب عليه الزوائد الخلفيه وماني عارف طريقة التركيب هل هم راح يخرمون بالبدي او يصمغونه ماعندي فكره
وحبيت اخذ رايكم واستشيركم
و قبل كل شي انا لقيتها ب 70 دينار وهل سعرها مرتفع ولالا ؟؟ ورايكم اركبها ولالا ؟؟
طبعا هاذي صورة الزوائد للي مافهمني
وهي اللي تكون تحت السنسر بس هاللاند مافيه رمانه انا عندي هل تركب علي الزوائد ولالا
والشي الثاني وانا اتصفح الانترنت كالعاده واشوف اسعار المفخره شدني هاللاند لونه غريب صراحه اول مره اشوف مثل هاللون وراعيه عارضه للبيع ورافع سعره 1000 دينار عشان اللون
وهاذي صورته
تعتقدون اللون يسحق ولالا ؟؟
واسف على الاطاله
اخوكم عبدالله
hsjtshv hg.,hz] ugn hgltoJvi hvhz;Jl ,hrjvhphj;l + g,k yvdf ,[]d] >> pJdJh;l