السلام عليكم ورحمة الله وبركاته
تاريخ شراء السيارة من الوكالة كان في شهر 6 سنة 2008
بعد 3 شهور من الاستعمال لاحظت خراب الشمعة ( الليت ) اليمين للسيارة وأكيد بدون ما أتكلم عن شعوري كنت مقهور
وكانت الشمعة تطفي وتشتغل بدون سبب وبعد اسبوع وصلت المشكلة للشمعة الثانية
وانا كانت احيانا تطفي اليمين وتشتغل اليسار والعكس واحيانا ولا وحدة تشغل
انا قلت أكيد هذي مشكلة فنية او عطل كهربائي وما خليت كهربائي ما مريت عليه ولا شخص عرف المشكلة
وانا يأست من الموضوع و طنشت السالفة وقعدت على هذا الحال من 2008 الى شهر 6-2011
يعني 3 سنوات بالضبط من المعاناة حتى الوكالة ما يعرفون المشكلة غير واحد الله يجزيه خير قالي جرب واشترى شمعة جديدة انا قلت له ياخي لو الشمعة خربت ما بتشتغل نهائيا وانا مصر ان السبب بكهربة السيارة
المهم قررت اجرب وابدل الشمعات ورحت لمحل قطع الغيار الاصلي وسالت عن الشمعات وقالي ياجماعة الوحدة على
750 درهم والثنتين ب1500 درهم ومع التخفيض والكلام الزايد قالي ب1200
وانا ما اقتنعت الصراحة وقلت لازم اسأل اكثر وسجلت رقم الشمعة وبحثت عنها في موقع امازون المشهور
والحمد لله حصلت مرادي ولكن السعر نزل علي مثل الصاعقة مقارنة بالمحل
طبعا من نوع فليبس ( الشركة الرائدة بالإنارة ) وغنية عن التعريف
حصلت الشمعة الوحدة يا جماعة ب 43 دولار يعني 160 درهم وجبت الاثنين ب 320 مع التوصيل ب 365
يعني كله على بعضه ارخص من شمعة وحدة فالمحل ب50٪
والحمد لله وصلت الشحنة وركبت الشمعات ومن شهرين كله تمام التمام وشغالات عندي 100٪
وهذي صورة من الموقع
وهذا رابط الشراء
Amazon.com: Philips D4R Xenon HID Headlight Bulb, Pack of 1: Automotive
lug,li la;gm hgaluhj ,rwjd luih